ot 1. Mayda zarra, kukun holidagi tuproq yoki boshqa moddalar; gard, toʻzon.
Yolgʻiz otning changi chiqmas, changi chiqsa ham, dongʻi chiqmas. — Maqol
Podadan oldin chang chiqarma. — Maqol
Shoyon mehnatingning nishonasi bu — Qora qoshlaringga qoʻngan chang, gʻubor. — A. Oripov
Toʻxta xola yuz-koʻziga koʻcha changi yopishayotganini ham payqamas edi. — I. Rahim, Chin muhabbat
2. sft. Chang qoʻngan; gʻuborli.
[Zargarov] Xona oʻrtasida sal bukchayganicha turib, chang etigi bilan ogʻir odimlab chiqib ketgan quruvchining besoʻnaqay gavdasini horgʻin kuzatib qoldi. — A. Muxtor, Boʻronlarda bordek halovat
Arava chang qishloq yoʻlidan chiqib, katta tosh yoʻlga tushib oldi. — I. Rahim, Chin muhabbat
3. bot. Oʻsimliklarning erkak jinsiy hujayralari.
Ashir Haqqulov zargarlarga xos diqqat bilan bir gulning changini moʻychinak bilan olib, ikkinchi bir gulni changlayotgan ekan. — S. Nurov, Narvoy
- Chang bosmoq Qalin chang bilan qoplanmoq (uzoq vaqt ishlatilmay yotgan narsa haqida). Telvizor, priyomnikni chang bosib yotardi. — T. Ashurov, Oq ot
- Chang koʻtarmoq (yoki chiqarmoq) Bekorga gʻalva yoki shov-shuv koʻtarmoq.
- Chang qoʻndirmaslik (yoki yuqtirmaslik) 1. Gard, dogʻ tegizmaslik, ozoda tutish. U kiyimiga chang qoʻndirmaydi;Hakimboyvachcha ilonday toʻlgʻandi u oʻzining va oila aʼzolarining ustiga chang qoʻndirishni istamas, oilasi bilan hech qanday oilani tenglashtirmas edi. — Oybek, Tanlangan asarlar
- Changini chiqarmoq 1. Tez tamom qilmoq; pok-pokiza tushirmoq, yeb yubormoq, yeb tashlamoq. Boqijon butun gavdasi bilan laganga tashlandi. Ota va oʻgʻil, goʻyo bahslashganday, palovning changini chiqarishdi. — Oybek, Oltin vodiydan shabadalar
- Hasratidan chang chiqadi Hasrati koʻp, hasrati sira tugamaydi. Maxsum Qoʻchqorning musulmoni komil bandalarga koʻp ozor berayotganini gapirib, hasratidan chang chiqdi. — S. Anorboyev, Oqsoy