чангал

changal

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

чангал И

от 1. Панжа, чанг.

Бургут чангали. Айиқ чангали.

Бирдан Пошша хола чангалини ёзиб, Йигиталига қаради. — Д. Нурий, Осмон устуни

2. Кўчма Исканжа.

У дадасини ҳеч қачон бунчалик ғам ва изтироб чангалида кўрмаган эди. — Шарқ юлдузи

3. Сиқимга сиғарли нарса, бир сиқим.

Ёғочга қистириб қўйилган исириқдан бир чангал солиб чиқди. — Ш. Холмирзаев, Оғир тош кўчса

Пул бўлса, чангалда шўрва
Чангал солмоқ Лекин Тўравой [душман ўқига] бургутдек чап берди ва бир сакраб, унинг бўғзига чангал солди. — Н. Сафаров, Оловли изларҲа, лейтенант, уруш ҳамманинг бахтига чангал солди. — Ҳ. Ғулом, Тошкентликлар
Ўлим чангали Ўлим хавфи, ўлим исканжаси. Мени ўлим чангалидан суғуриб олган офицернинг ким эканлигини сўраб билиб олмаганлигим учун ўзимни кечира олмайман. — Н. Сафаров, Оловли излар

чангал ИИ

от 1. Тиканли буталар, ўсимликлар.

Янтоқ ёғ ўрнини босмас, Чангал — боғ. — Мақол

Улар чапга бурилиб, ўт босган катта ариқдан йигирма-ўттиз қадам юргач, тўп-тўп чангал бошланди. — О. Ёқубов, Эр бошига иш тушса

2. айн. Чангалзор.

[Ёʻлбарс] Мангу қочар, қочар тоғлардан, Ўрмонлардан, чангал, тўқайдан. — Ш, Раҳмон