ot 1. Biror voqea-hodisa, harakat tufayli yuzaga kelgan ofat, falokat; tash-vish.
Taqdirning balosi koʻp, saqlansa panasi koʻp. — Maqol
Yomon til boshga balo keltirar, Yaxshi til davlat, dunyo keltirar. — Maqol
Sadaqa baloni yer, tavba — gunohni. — Maqol
Ot boshiga balo boʻldi. Gʻayratiy. — Iloyo omin, — kampir ham fotiha oʻqidi, — qadam yetdi, balo yetmasin! — X. Toʻxtaboyev, Shirin qovunlar mamlakati
2. koʻchma s.t. Uddaburon, ishning koʻzini biluvchi, oʻz ishiga pishiq.
Balo qiz ekan bu. — S. Ahmad, Ufq
— Eshniyoz aka balo! — deb davom etdi Ravshan Roʻzi. — Sh. Xolmirzayev, Yoshlik
Sayfiddin Umarov esingdami, matematikadan balo edi. — Oybek, Oltin vodiydan shabadalar
- Balo bormi? Oʻrinsiz ish, harakat, yoqimsiz narsa yoki kimsaga duch kelganda, yoqtirmaslik, norozilik (nima bor? nima qilib yuribdi?) maʼnosini ifodalaydi. Saltanatni qayerda koʻrmay, satang boʻp yasanib olgan boʻladi. Ikki chakkasidagi gajakka balo bormi deyman! — YoshlikPaxta terimi ketayotgan dolzarb payt karantinga balo bormi? — YoshlikShu ayozda charm kastumga balo bormi? — A. Obidjon, Akang qaragʻay Gulmat
- Baloga qolmoq Yomonlikka duchor boʻlmoq, daʼvosiga qolmoq. Bilmasdan gapirma! Baloga qolasan, qizim! — Hamza
- Baloyi azim Ulkan ofat, mislsiz kulfat. Monokultura deb atalmish bu yakkahokimlik bora-bora shunday bir baloyi azimga aylandiki — OʻzME
- Baloyi nafs yoki nafs balosi Ochkoʻzlik, nafsi buzuqlik orqasida boshga tushgan kulfat.
- Balo urmaslik Hech qanday shikast yemaslik, eson-omon qutulib ketish.
- Balo oʻqi Oʻlim maʼnosini ifodalaydi. Balo oʻqiga nishon boʻlmasdan burun bu ishlarni oxiriga yetkazishga harakat qilar edi. — M. Osim, Karvon yoʻllarida
- Bir balo Nomaʼlum, sirli, bilib boʻlmas sal-biy narsa yoki hodisa. Oldin, bu kampirga bir balo boʻlgan, deb hayron boʻlib yurganlar bu ayol bir narsani bilar ekan, deb tan berishdi. — S. Nurov, Maysalarni ayoz urmaydiBir balo borga oʻxshaydi oralarida. — S. Zunnunova, Olov
- Boshga balo boʻlmoq Ortiqcha tashvish, dardisar boʻlmoq.
- Nima (yoki ne, qanday) balo Taajjub, hayratlanish, hayron qolishni, baʼzan kinoyaomuz soʻroqni bildiradi. Nima balo, toʻyni nasiya qilib, kelinni olib kevoldingizmi? deguvchilar ham boʻldi. — S. Zunnunova, OlovNima balo, bola-chaqangiz koʻpayib ketdimi? — Guldasta
- Suv balosi Toshqin, sel va shu kabilardan kelgan ofat.
- Tuhmat balosi Tuhmat orqasida boshga tushgan kulfat. Sodiq qulingiz tuhmat balosiga giriftor boʻlib, zindonda sargʻayib yotibdi. — J. Sharipov, Xorazm
- Oʻt balosi Yongʻin maʼnosini ifodalaydi. Suv balosi, oʻt balosini koʻrganlar bor. — Yoshlik
- Har balo 1) turli-tuman noxushliklar; turli salbiy holatlar. Ayoli Yunus olgan aql-u hushimni, Har baloga solgan mening boshimni. — Malikayi ayyorU har baloni biladi.
- Hech balo Hech narsa, hech nima.Bobo koʻzlaridan qochmas hech balo, Bir zumda dalani chiqar aylanib. Mirtemir.
- Hech baloda yoʻq yoki hech baloni bilmaydi Hech narsani bilmaydigan, qoʻlidan hech ish kelmaydigan (odam). Bizda ham sergap, quruq maslahat beradiganlar juda koʻp-u, lekin [ular] amalda hech baloda yoʻq. — T. Obidov, Yusufjon qiziq