фл. 1. Баҳс (мунозара)да қатнашиб, ҳар хил фикрлардан бирини, хусусан ўз фикрини ёқлаб сўзламоқ; тортишмоқ, талашмоқ.
Ботир ёв келганда билинар, чечан — баҳслашганда. — Р. Жуманиёзов, Сўз кўрки — мақол
Ёшлик, севги-садоқат ҳақида қизғин баҳслашдилар. — Шуҳрат, Шинелли йиллар
Баъзан тўғри келмай қолса дидимиз. Дўстим, баҳслашамиз, ёнамиз лов-лов. — Шукрулло, Жавоҳирлар сандиғи
2. спрт. Мусобақалашмоқ, ғолиблик учун курашмоқ.
Турнирда дастлабки тўрт ўринни эгаллаган шашкачилар биринчи лигада баҳслашиш ҳуқуқига эга бўладилар. — Газетадан