Hayot Foundation лойиҳаси
Лойиҳа ҳақида
Ўз
Ўз

Қидирув

«айбсизлик» бўйича 13 та натижа: Изоҳли

Филтр
Луғат тури
Изоҳли Таржима Терминологик

Луғат мақолалари

12 та
айб

от 1. Расм-қоидага ёки одоб-ахлоқ меъёрларига хилоф иш, хатти-ҳаракат; гуноҳ.

Ўз айбига иқрор бўлмоқ. Айбини бўйнига қўймоқ. Айбини яширган ўнгмас. — Мақол

У Ойқизнинг ёнига келдида, айбига иқрор бўлган гуноҳкордек, маъюслик билан гапирди. — Ш. Рашидов. Ғолиблар

2. ҳуқ. Қонунга хилоф хатти-ҳаракат; жиноятга тортишнинг зарур шарти.

Тўрт нафар ҳарбий Ватанга хиёнат қилишдаги айби учун судга тортилди. — Газетадан

3. Киши уяладиган, хижолат тортадиган хатти-ҳаракат; уятли иш, уят.

Сўраганнинг айби ёʻқ. — Мақол

Орзуга айб ёʻқ. — Мақол

[Холисхон Тожибойга:] Қўйинг, хафа бўламан. Бу ўзимнинг укам, айб бўлади. — Ҳамза, Холисхон

4. Меъёрни, одатий ҳолатни бузувчи белги-ҳолат, нарса; камчилик, нуқсон.

Ҳар тўкисда бир айб. Бировнинг айбига кулмагил зинҳор, сенинг айбингга ҳам кулгувчилар бор.

  • Айб қилмоқ Айб содир этмоқ, айбли иш қилмоқ.
  • Айбга буюрмайсиз Айб ҳисобламайсиз (бирор иш, хатти-ҳаракат учун кечирим, узр маъносида қўлланади). Айбга буюрмайсиз, ўғлим меъморликни ўргансин, отасидек сангтарош бўлиб қолмасин, дедим. — Мирмуҳсин, МеъморЭнди, меҳмонлар, айбга буюрмайсизлар, менинг қиладиган ишим, борадиган ерим кўп. — А. Қаҳҳор, Қўшчинор чироқлариЭнди, айбга буюрмайсиз, негадир кўнглим сизга тортди, ука. — Газетадан
  • Айбга қўшмайсиз
  • Айб қилмоқ 1. Айбли, уятли иш қилмоқ. Канизак дастурхон ёзиб, овқат келтирди. У бир коса ошни Самандаровнинг олдига қўяр экан: — Айб қилмайсиз-да, Мақсудали ака, холам сўк оши қилибдилар, — деди. — А. Қаҳҳор, Қўшчинор чироқлари
Тўлиқ мақола →
айбдор

сфт. 1. Айб иш қилган киши; гуноҳкор.

Ота Болалари олдида айбдордек, ҳўл ўтин вишиллаб сасиётган ўчоққа тикилади. — П. Турсун, Ўқитувчи

2. ҳуқ. Жиноий иш қилган, қонунга хилоф иш қилган, жиноий жавобгар киши.

Навбатчи милиционер айбдорни олиб чиқиб кетди. — Ҳ. Ғулом, Машъал

Айбдор ва лоқайд раҳбарларга нисбатан муросасизлик қилиб келинган. — Газетадан

3. сфт. Жисмоний жиҳатдан камчилиги, нуқсони, иллати бор; айбли.

Айбдор қиз.

— Бир кўзидан айбдорми? — Шунақа. — П. Турсун, Ўқитувчи

Тўлиқ мақола →
айблов

от 1. Айбламоқ феълидан ҳаракат номи.

2. ҳуқ. Муайян жиноий ишни қилганликда айбланган шахснинг айбдорлигини исботлаш учун қилинган ҳаракат.

3. ҳуқ. Айблаш қайди, айб (айблар) қайд этилган (нарса).

Айблов қоғози.

Судланувчилар устидан чиқарилган айблов ҳукми қанчалик оғир ва аёвсиз бўлмасин. — Муштум

  • Айблов хулосаси Жиноят юзасидан тергов натижасида аниқланган ҳолатлар ва айб мазмуни баён этилган ҳужжат.
Тўлиқ мақола →
айбнома

от 1. Умуман айбни кўрсатувчи, қайд этувчи ёзма баён, шундай вазифани бажарувчи ҳужжат.

Оқ қон рангли филми атом қуролини ишлатишга зўр бериб уринаётганларни фош қилувчи сиёсий айбномадир. — Газетадан

2. ҳуқ. Жиноий айбнинг ёзма баёни.

Айбноманинг хулосасида айбдорларнинг ҳаммаси тергов давомида ўз жиноятларига иқрор бўлганлиги айтилади. — Ҳ. Ғулом, Машъал

Тўлиқ мақола →
айбламоқ

фл. 1. Айбли деб топмоқ, айб қўймоқ.

Биров у деди, биров бу деди, ким келинни айблади, ким — куёвни. — Газетадан

[Тантибойвачча] Қизни олиб қочганда, эҳтиёцизликда, бўшангликда қора Аҳмадни айблади. — Газетадан

Тантибойваччақизни олиб қочганда, эҳтиёцизликда, бўшангликда қора Аҳмадни айблади. — Ойбек, Танланган асарлар

2. ҳуқ. Жиноий айб қўймоқ.

Ўша вақтларда маҳаллий раҳбарларни айблашга баҳона топилмай қолганда, уларнинг фарзандлари ва қариндош-уруғларини туҳмат билан қамашарди. — Газетадан

Тўлиқ мақола →

Ҳаммасини кўриш · 12 →

Таърифлар ичида

1 та
презумпсия

презумпсия кит. Эҳтимолликка ёки тахминга асосланган фараз; юр. Фактнинг акси тасдиқланмагунча, шу фактни юридик тўғри деб топиш; айбсизлик презумпсияси.