Толковый словарь узбекского языка
· ещё в 4 словарях
ot 1. Dard-hasrat shikoyat tarzidagi (asosan ogʻzaki) gap, murojaat.
Chol bu begona yigitning vaziyatida taraddudlanish sezib, qaytadan soʻradi: — Xoʻsh, oʻgʻlim, nima arzing bor? — Oybek, Tanlangan asarlar
Podshoyim, bizlar sizga arzga keldik. — Ravshan
2. esk. kt. Yer shari yoki uning bir qismi.
- Arzi hol yoki arzi bandachilik Oʻz ahvoli haqidagi ogʻzaki bayon; dard-hasrat; oʻtinchli iltimos. Men minarman endi asta qushimga, Arzi holim aytdim deng-u doʻstimga. — Malikayi ayyorQush tilini qush biladi deganlaridek, Nodiraning samimiy arzi bandachiligi Mohlar oyim bilan Nigor kelinning yuraklarini ezdi. — A. Qodiriy, Mehrobdan chayon
- Arz qilmoq 1) bilganini, oʻylaganini yoki dard-hasratini ogʻzaki aytmoq, bayon qilmoq; oʻtinchli iltimos bilan murojaat qilmoq. - Men xonni Toshkentdan joʻnatish oldida uning xoli vaqtini topib, bu fikrimni bir daraja arz qilib oʻtgan edim, — dedi [qushbegi]. — A. Qodiriy, Oʻtgan kunlarGʻofir boy va qozilarga: Hoy, boʻrilar! Soʻzlaringdan qayt! Boʻlmasa, hokimingga bormayman, mingboshingga yalinmayman, xalqqa arz qilaman, xalqqa! — Hamza, Boy ila xizmatchi
- Arz soʻramoq Ark — qadim Xorazm shohlarining arz soʻraydigan joyi. — J. Sharipov, Xorazm
- Kurrayi arz Yer shari. Globusni bobolar Kurrayi arz, debdilar. Yashagan sayyorangni bilmoqlik farz, debdilar. — A. Oripov
- Arzi Rum
- Arz-u samo Yer bilan osmon, butun koinot.