Қидирув

сфт. 1. Хонакилашмаган, табиат қучоғида эркин ҳаёт кечирувчи (ҳайвон, паррандалар ҳақида).

Ёввойи мушук. Ёввойи каптар. Ёввойи эчки.

2. Маданийлаштирилмаган, ўз ҳолича, табиий ҳолатда ўсадиган; зарарли, зиён келтирувчи.

Ёввойи олма.

Хилма-хил ёввойи гуллар теварагида ранг-баранг капалаклар базм қуради, асаларилар ғувуллайди. — Ж. Абдуллахонов, Орият

Сидиқжон каттакон ёввойи жийда тагида тўхтаб, Шарофатни кутди. — А. Қаҳҳор, Қўшчинор чироқлари

Дарҳақиқат, салгина хотиржам бўлдингми, ёввойи ўтлар ўсиб кетади-ю, ғўзаларни сиқиб ташлайди. — Ш. Рашидов, Бўрондан кучли

3. Ўзлаштирилмаган, ишланмаган (ер-жой ҳақида).

Илгари бу ерлар ҳам жарликлар, ёввойи сайҳонликлардан иборат эди. — Газетадан

Ёввойи чўл буюк кенгликда Менга борин очиб ташлади. — Ш. Раҳмон, Юрак қирралари

4. Қўрқинчли, ваҳимали, даҳшатли.

Ёввойи овоз.

Бўрон ёввойи бир куч билан ўкирарди. — С. Анорбоев, Оқсой

Шариф тарранинг ёввойи чинқириғини эшитгандек бўлди. — С. Сиёев, Ёруғлик

5. Маданиятнинг ибтидоий босқичига хос; қолоқ.

Саҳрода арабларнинг бадавий деган ёввойи тоифаси бор экан. — М. Исмоилий, Фарғона тонг отгунча

6. кўчма Одамга аралашмайдиган; бегона, одамови, ёт.

Одамлардан қочаман, Ёввойи бир ҳолим бор! — Миртемир

от 1. Инсон қўлига ўрганмаганлик, табиий ҳолатда бўлишлик.

2. кўчма Ибтидоий ҳолат, ваҳшийлик.

3. Одамга қўшилмаслик; одамовилик; бегоналик.

Ким айтади буни оғир қиз деб, олов-ку! Тўғри, сал ёввойироқлиги бор. Аммо ўзим тарбиялаб оламан [деди ўзича Тўлқин]. — Ф. Мусажон, Ҳури

в become wild (animals), grow rampantly (plants)

фл. айн. Ёввойилашмоқ.

сўнгги пайтларда инсоннинг хўжалик фаолияти етиб бормай табиатнинг бузилмай сақланиб қолган ҳудудларини англатадиган атама.

фл. 1. Ёввойи бўла бормоқ, ёввойи бўлиб кетмоқ.

Ёввойилашган ит.

Тоғ мушуклари ёввойилашиб кетган, одамга яқин келмасди. — С. Аҳмад, Жимжитлик

2. Одамлардан узоқлашиб, бегоналашиб бормоқ.

Мен ҳам ёввойилашиб, жуда тўнг, қўпол бўлиб кетаётганимни ич-ичимдан ҳис қиламан. — Ёшлик

3. Бегона ўтлар билан қопланмоқ.

Аёллар ва болалар ихтиёрида қолган экинзорлар чуқур, яхши йиғилмаганидан, ёввойилашиб, ҳамма ёқни шўра, ғумай, сувўт, тикан босиб кетган. — С. Нуров, Нарвон