Izohli lugʻat
· yana 5 ta lugʻatda
ot 1. Tigʻi dastasiga nisbatan koʻn-dalang oʻrnatilgan chopish, kesish quroli.
Dast tesha. Poy tesha.
Na oʻtin boʻlmasa, na oʻtinni yorgani teshasi boʻlmasa, nima qilaman? — Hamza, Tuhmatchilar jazosi
Hasharchilar ketmon, belkurak, tesha, gaz va boshqa asbob-uskunalarni maktab omborchisiga topshirib, uy-uylariga tarqaldilar. — H. Gʻulom, Binafsha atri
2. Tesha (erkaklar ismi).
- Oyogʻiga (yoki tagiga, ildiziga va shu kabilar) tesha urmoq Bir necha qizimizning nom-u sini barbod etgan, xonadonlarni buzgan, mustahkam oyogʻimizga tesha urmoqchi boʻlgan iblisni fosh qilib, sizni falokatdan qutqarib qolmoqchiman. — Gʻ. Gʻulom, Xalq hukmiga havola
- Tesha tegmagan Ilgari ishlatilmagan, eshitilmagan; butunlay yangi (soʻz, gap, fikr, xabar, yangilik va shu kabilar haqida). Tesha tegmagan gaplar. Tesha tegmagan yangilik.Yusufjon qiziqning Oxunjon qiziq bilan qiladigan tesha tegmagan askiyalari va latifalari zalda gulduros qarsaklarga va kulgi koʻtarilishiga sababchi boʻldi. — T. Obidov, Yusufjon qiziqTikila turib, xayolida bir tesha tegmagan fikr uygʻondi. — H. Nazir, Mayoq sari
- Holvachining teshasiday 1. Qisqa, kalta. [Guljon Mirzaraimga:] Avval Rustambekning tilidan holvachining teshasiday kaltagina xat qildirdim. — Hamza, Paranji sirlari