Қидирув

от 1. Атмосферанинг қуйи қатламларида юзага келадиган майда сув ёки муз зарралари.

Қуюқ туман. Тонгги туман.

Ҳаво туман бўлганидан ўрмон кўзга кўринмас эди. — М. Муҳамедов, Қаҳрамон изидан

Сал ўтмай сойликни оқиш ҳарир туман қоплади. — О. Ёқубов, Излайман

Рўпарада паст-баланд чўққиларини осмонга туртиб, кўкиш туман пардасига бурканган Чотқол тоғлари. — П. Турсун, Ўқитувчи

2. кўчма Туманга ўхшаш, хира, нимқоронғи ҳолат.

Баҳорнинг фикри булут босган осмондай қоронғилашди-ю, кўз олдини туман чулғади. — Ш. Рашидов, Қудратли тўлқин

сфт. 1. Туман қоплаган, туман босган.

Туманли кун.

Кеча қоронғи ва туманли эди. — Ойбек, Танланган асарлар

Тегирмон ёʻлаги ун тўзони ичига кўмилиб, кеч кузнинг қуюқ туманли ҳавоси манзарасини беради. — А. Қодирий, Обид кетмон

2. кўчма Аниқ эмас, аниқ ифодали бўлмаган.

Туманли тасаввур. Туманли фикр.

Шукуржоннинг миясида яна чақмоқ чақ-нагандай бўлди-ю, ўн йиллар давомида дилига озор бериб келган туманли ўйларнинг ҳаммасини бирдан ёритиб юборди. — О. Ёқубов, Ота изидан

от 1. Туман билан қопланган ҳолат, қатлам.

Туманлик орасида бир тўп чуғурчуқ шовқин солиб ўтди. — Ў. Ҳошимов, Бир томчи шудринг

2. Туман босган, қоронғи жой.

Саидий шу дарвоза ва шу занжирнигина оддий деб билиб, ичкарини сира кўз олдига келтирмас ва келтирмоқчи бўлганда, фақат бир туманликнигина кўрар эди. — А. Қаҳҳор, Сароб

3. астр. Ердан жуда узоқда жойлашган ва Сомон ёʻлига ўхшаш кўринишга эга бўлган юлдузлар системаси.

Космик миқёсда планетар туманликларнинг яшаш муддати бир неча ўн минг йил, холос. — Фан ва турмуш

Яна минг йиллардан сўнг ёритқич атрофида сайёравий туманлик ҳосил қилади. — О. Мўминов, Хиёбондаги уч учрашув

dumanlaw, duman túsiw, duman qaplaw

фл. Туман билан қопланмоқ; хираланмоқ.

Туманланган дераза ойналарига йирик қор парчалари оқ капалакдай уриларди. — Ойбек, Танланган асарлар

фл. 1. Хира бўла бормоқ, хираланмоқ.

Кўз олдим туманлашди.

Ўйлаганим сари ўйларим туманлашди. — З. Дўстматов, Ёқут

2. кўчма Хиралашмоқ, ноаниқлашмоқ.

Бу оғир андишалардан Аҳмад Ҳусайннинг кўз олди туманлашди. — Ойбек, Нур қидириб