fl. 1. Suratini, rasmini chizmoq, tasvir etmoq.
Dengizni tasvirlamoq.
Janob Ahmabek, kamina bogʻlarning suratini chizganda, bir chetida bogʻbonni ham tasvirlashim mumkin. — P. Qodirov, Yulduzli tunlar
2. Badiiy obrazlarda koʻrsatib bermoq, tasvirini bermoq, bayon etmoq.
Xalq hayotini gʻoyatda teran tasvirlay bilish muallifdan katta isteʼdod talab etadi. — Gazetadan
Qoʻsh belbogʻ chapanichasiga past bogʻlangan, yurishi ham oliftalarga taqlidni koʻrsatar; uning butun qomati, hamma harakatlari oʻziga zeb bergan, maqtanchoq kambagʻalni tasvirlar edi. — Oybek, Tanlangan asarlar
yozuvchi oʻzi tasvirlayotgan voqeaga qattiq ishonishi kerak. — S. Karomatov, Oltin qum