тасвирламоқ

фл. 1. Суратини, расмини чизмоқ, тасвир этмоқ.

Денгизни тасвирламоқ.

Жаноб Аҳмабек, камина боғларнинг суратини чизганда, бир четида боғбонни ҳам тасвирлашим мумкин. — П. Қодиров, Юлдузли тунлар

2. Бадиий образларда кўрсатиб бермоқ, тасвирини бермоқ, баён этмоқ.

Халқ ҳаётини ғоятда теран тасвирлай билиш муаллифдан катта истеъдод талаб этади. — Газетадан

Қўш белбоғ чапаничасига паст боғланган, юриши ҳам олифталарга тақлидни кўрсатар; унинг бутун қомати, ҳамма ҳаракатлари ўзига зеб берган, мақтанчоқ камбағални тасвирлар эди. — Ойбек, Танланган асарлар

ёзувчи ўзи тасвирлаётган воқеага қаттиқ ишониши керак. — С. Кароматов, Олтин қум