Qidiruv

sft. 1. Oraligʻi, eni, hajmi yetarlicha katta boʻlmagan; tor, chogʻ.

Tang yoʻlak.

Toshni toshlarga urib, Tarqatib qoʻrqinch ohang, Yoʻli uning poyonsiz, Goʻyo sahro koʻksi tang. — Gʻayratiy

Vaqt tang, dalada ish tigʻiz. — Oybek, Tanlangan asarlar

2. Qutulish, hal qilish yoki iloji, davosini topish juda qiyin boʻlgan, gʻoyat ogʻir, mushkul, nochor.

Tang ahvol. Tang vaziyat. Bemorning ahvoli tang.

Ukang Qurbon oqsoqol tegirmonida ishlab turadi. Roʻzgʻordan bir qadar siqilishgan. U yogʻini surishtirsang, qishloqda hammaning roʻzgʻori tang. — Oybek, Tanlangan asarlar

Ishning eng tang joyi — qum bilan shagʻalning yetishmasligida. — A. Muxtor, Tugʻilish

Hayot-mamot urushining tang daqiqalarida Ergash mehri-bon onasining gaplarini esladi. — N. Safarov, Olovli izlar

ot 1. tar. Buxoro xonligida 15 tiyinga, Qoʻqon xonligida 20 tiyinga teng boʻlgan kumush pul.

Bir tanga (yigirma tiyin). Yarim tanga (oʻn tiyin). Tuya bir tanga — qani bir tanga, Tuya ming tanga — mana ming tanga. — Maqol

— Bitta mushak uch miri, — dedi Turobjon, — yuzta mushak otilsa bittangadan yuz tanga. Bir miridan kam — yetmish besh tanga boʻladi. — A. Qahhor, Anor

2. Umuman, qogʻoz puldan boshqa, oltin, kumush, mis kabilardan zarb etilgan pul.

Oltin (tillo) tanga. Kumush tanga. Tanga va qogʻoz pullar.

3. qiyoslang: Oltin, kumush va ularning qorishmasidan zarb etilgan pul. chaqa.

tosh-kentlik mardikor ishtonining lippasiga qistirilgan boʻz xaltachani — hamyonni olib, tanga, chaqa aralash bir soʻmni sanab toʻkdi. — Oybek, Tanlangan asarlar

Oxirida maddoh yigʻilgan tanga va qora pullarni bir shol qopchaga soldi. — S. Ayniy, Qullar

4. Qozogʻiston Respublikasining asosiy pul birligi.

5. Baliq terisini qoplab olgan qattiq mayda toʻgarakchalar.

Baliqning tangasi. Baliq tangasini pichoq bilan tozalamoq.

6. koʻchma Yiltiroq tangasimon narsa haqida.

Choyxonachi Dadamat unda-munda quyosh tangalari yiltiragan toza, tekis sahnga mirishkorlik bilan suv sepdi. — Oybek, Oltin vodiydan shabadalar

Azamat daraxtlarning yaproqlari oralab yerga toʻkilgan oyning oppoq tangalariga ajib bir zavq bilan tikilar edi. — S. Ahmad, Qadrdon dalalar

n sheva peak, gorge, ravine, canyon

ot Toʻrt taktda oʻynaladigan muloyim raqs va shu raqs musiqasi.

Tangoga raqs tushmoq.

Chet takliflarga chek qoʻyish maqsadida uni oʻzi tangoga olib tushmoqchi boʻldi. — P. Qodirov, Uch ildiz

adj taxir, kakra, turush

QBH, 131₆ oʻzbekchaajablanmoq, hayron boʻlmoqruschaудивлятьсяinglizchawonder

Törü bilmäz ögsüz qiliqsiz kiši, törülüg kiši körsä taŋlur baši Qonun-qoidani bilmagan, bilimsiz, madaniyatsiz kishi, madaniyatli kishini ko‘rganda hayron qoladi – Не знающий правил этикета, глупый и невоспитанный человек, если видит воспитанного человека, удивляется – person not knowing the rules of etiquette, a stupid and ill-bred man, if he sees a well-educated person, he is surprised