Қидирув

от 1. шв. Болта.

Муллалар ўқийди зер-у забарни. Усталар ишлатар теша, табарни. — Равшан

2. тар. Ойболтанинг бир тури, қадимий жанг қуроли.

Сипоҳ билан гаплашмоқчи бўлсанг, қўлингда табаринг бўлсин, деганлар. — Мирмуҳсин, Меъмор

от 1. Эшик, дераза ва шу кабиларнинг очилиб-ёпиладиган ҳар бир бўлаги.

Якка табақа дераза. Қўш табақа эшик.

[Ҳасанали] Занжирни тушириб, дарвозанинг бир табақасини очиш ҳамоно, шу табақага суяниб турган Отабек Ҳасаналининг оёғига йиқилиб тушди. — А. Қодирий, Ўтган кунлар

2. Халқ ичидаги муайян ижтимоий қатлам, гуруҳ, синф.

Савдогарлар табақаси.

Шаҳар халқининг ҳар бир табақаси деярли Мусулмонқул даккисини еб келган. — А. Қодирий, Ўтган кунлар

Тахта атрофида ўтирганлар орасида аҳоли турли табақаларининг вакиллари бор эди. — Газетадан

сфт. Табақаси бор, табақаси бўлган (эшик, дераза ва шу кабилар ҳақида).

Икки табақали дарвоза.

Улар кичкина ҳовлининг бир табақали пастаккина эшигидан кирганларида, айвондаги ўчоқ олдида ўтирган аёл ўрнидан турди-да, ҳовлига юз ўгирди. — П. Турсун, Ўқитувчи

сфт. 1. Улуғ ҳурматга сазовор, ғоят ҳурматли, мўтабар ва азиз.

Табаррук чол.

Қишлоқнинг табаррук онахонлари уйда бешикка гаврапўш ёпишаётган экан. — Э. Усмонов, Ёлқин

Табаррук инсон Шоаҳмад ака айтгандек, Ҳамма миллат болалари бир бола эди. — Р. Файзий, Таъзим

2. Яқин, мўтабар кимса ёки нарсани эслатадиган, ундан эсдалик, ёдгорлик бўлиб қолган.

Отамдан қолган табаррук китоб.

[Навоий:] Энди, сиз бу табаррук қилич билан давлатимизни, салтанатимизни, мамлакатимизни ва унинг санъатини ҳимоя қилинг! Уйғун ва И. — Султон, Алишер Навоий

3. Илоҳий кучга эга бўлган; муқаддас; азиз-авлиёларнинг назари тушган.

— Маккатуллода, табаррук ерда эримга қуръон ўқитарман, гуноҳларини худодан йиғлаб тиларман, деган ният қанот бўлди, — деди Ҳожи хола. — М. Исмоилий, Фарғона тонг отгунча

Элимиз нонни ва донни табаррук ҳисоблаб, пешонасига суртади. — Газетадан

Она! Дунёдаги энг азиз, энг лазиз ва табаррук, энг муҳтарам калом бу! — Саодат

от Юз, кўз ва лаблар билан кулумсираш ҳолати, шундай ҳолат ифодаси; жилмайиш.

Ҳаётнинг юзига ширин табассум югурди. — М. Исмоилий, Фарғона тонг отгунча

Отабек ҳам истеҳзоли табассум орасида Ҳомидга кўз қирини ташлади. — А. Қодирий, Ўтган кунлар

Унинг лабларидаги табассумни кўрган Зулфиқор ашулани яна баландроқ олди. — Мирмуҳсин, Меъмор

Шоиранинг кўзлари табассумдан ёниб турар эди. — Ў. Ҳошимов, Нур борки, соя бор

от Жамият табақаларининг ўзига хос белгилари, тартиб-қоидалари ва уларга асосланган ижтимоий муносабатлар.