Изоҳли луғат
· яна 6 та луғатда
от 1. Эчкининг эркаги; соғлом насл олиш учун танлаб олинадиган зотли эркак эчки.
Тоғ такаси тек турса, оч қолади. — Мақол
Кенжа аста қўйлар орасидан бориб, қора таканинг оёғидан маҳкам ушлади. — Н. Фозилов, Дийдор
2. Туркман қабилаларидан бирининг номи.
Така туркман.
Кўчада юрган кимса борки, ўққа учди, така ёвмит қиличига ёʻлиқди. — С. Сиёев, Аваз
- Така бўлсин, сути бўлсин Нима бўлса ҳам, фойдаси, нафи бўлсин. Мунтазирман ҳар қандай буйруғига ер ўпиб, Така бўлса, сути бўлсин, ийдириб юмшатаман. — Муштум
- Така соқол(ли) Соқоли таканинг соқолига ўхшаш. [Бўри полвон] Кенг ҳам дўнг пешонасини чўзиқ жағи, така соқолини силади. — Т. Мурод, Юлдузлар мангу ёнади— Яхши ухладингми? — деб сўради така соқолли нонуштадан сўнг. — Х. Тўхтабоев, Ширин қовунлар мамлакати