араб. сайль – шиддатли оқим
сув ҳамда кучли ва узоқ давом этадиган жала, музликлар ва қор қопламининг шиддат билан эриши ва дарё ўзанига катта миқдордаги бўш чақиқ материалнинг ўпирилиб тушиши натижасида тоғ дарёлари ўзанларида тўсатдан юзага келувчи, тупроқ парчаларидан йирик тош ва палахсаларгача бўлган тоғ жинсларининг катта миқдордаги аралашмасидан иборат вақтинчалик шиддатли оқим. Катта вайроналиклар келтириб чиқаради. С. билан курашиш тупроқ ва ўсимлик қопламини мустаҳкамлаш, махсус гидротехника иншоотлари (мас., тўғон) қуриш ёʻли билан олиб борилади. Ҳажмига кўра С. олти гуруҳга бўлинади: жуда кичик - 1000 м³ дан кам; кичик – 1001-10000 м³; ўрта – 10001-100000 м³; катта – 100001-1000000 м³; жуда катта – 1000001-1000000 м³; гигант – 10000000 м³ дан ортиқ.
Синонимлари: сел оқими