fl. 1. Siqmoq 1, 2 feʼlining oʻzlik va majhul nisbatlari.
Sovuqdan siqilgan jism. Siqilgan gaz.
Ikkita zabardast odamning oʻrtasida siqilib, qimirlashga ham jurʼat etolmay ketaverdi! — F. Musajonov, Nozik masala
2. (ch. k. bilan) Tanglik sezmoq, toliqmoq, zoriqmoq.
Puldan siqilmoq. Roʻzgʻordan siqilmoq.
3. Ruhan ezilib yoki zerikib diqqat boʻlmoq, diqqati oshmoq, ziq boʻlmoq.
U kunlarni eslasam agar, Siqilaman, yuragim titrar. — Gʻayratiy
Anvarxonning koʻngli ezilgan edi, qarshisida oʻtirgan, ruhan siqilgan yigitning ahvolini yaxshi tushungan edi. — Oybek, Ulugʻ yoʻl
- Yuragi siqilmoq Yuragi ziq boʻlmoq; ruhan ezilmoq, qiynalmoq. Kampiri mingʻirlagan ovoz bilan zorlana boshlaganda, cholning yuragi siqilib ketdi. — M. Osim, Tilsiz guvoh