от 1. Фахрланишга арзийдиган нарса, юксак қониқиш ҳисси; бахт, фахр, ифтихор.
Шодлик билан туғилиб, шараф-у обрў билан ўтмоқ — инсон учун бахт. — Мирмуҳсин, Меъмор
Катта билим даргоҳининг талабаси бўлишдек шарафга муяссар бўлдим. — Газетадан
Туркистон мусулмонларининг ҳуқуқларини мудофаа эта биладиган тўрт-беш арбоби сиёсат етишса, биз учун шараф эмасми? — Ойбек, Танланган асарлар
2. Бирор ижобий хислат, хизмат ёки талант туфайли халқ орасида таратилган донг; шуҳрат, шон.
Пахтакор қаҳрамонларга шон ва шарафлар бўлсин!
Юксак оқ олтин хирмони бунёд этиш учун кураш — шараф, обрў учун курашдир. — Газетадан
Абдураҳмоннинг отаси уламо наслидан, аммо бу шараф нима сабаб биландир унинг отасига насиб бўлмаган. — А. Қодирий, Меҳробдан чаён
3. Шараф (эркаклар исми).
- Шараф билан Юксак ифтихор билан, шон-шарафга арзирли тарзда. Хўжалигимиз деҳқонлари ўз зиммаларига олган давлат топшириғини шараф билан адо этдилар. — Ўзбекистон қўриқлари
- Шарафига ёки шарафи учун Бирор кимса ёки нарсанинг ҳурмати, эътибори ҳисобга олиниб, шунга бағишлаб, атаб. Ўшдаги қароргоҳда бу оқшом сизларнинг шарафингизга тантанали зиёфат берилур. — П. Қодиров, Юлдузли тунларБу ёдгорлик Марказий Фарғонани ўзлаштирганлар шарафига Бектош Раҳимов ташаббуси билан ўрнатилган. — Ўзбекистон қўриқлари