Qidiruv

sft. 1. Bekorga ovorayi sarson boʻlib yurgan, oʻz yoʻlini topa olmagan, parokandalikda yurgan.

Sargardon boʻlmoq. Sargardon kezmoq.

Menga u qancha azob bergan, shu deb qancha yurtlarda yalang oyoq sargardon kezganman. — S. Ahmad, Qadrdon dalalar

Bu judolik meni qildi sargardon, Sizdan duo tilar Hasandek polvon. — Hasanxon

Sheralixon sargardon boʻlib yetti yildan soʻng bir chet bozorga kelib oʻtirdi. — Erali va Sherali

2. etn. Qadimgi oʻzbek urf-odatlariga koʻra, ogʻir yotgan bemorning (irim bilan) boshidan aylantirib (oʻgirib) beriladigan sadaqa puli.

[Mastura:] Nega harom boʻlar ekan? Sargardonning puli emas bu, aylanay! Doʻppi tikib toʻplaganman, yaxshi yigit! — Hamza, Paranji sirlari

ot Sargardon boʻlib yurish.

— Gʻam-u sargardonlik sen bilan meni jahongashta qilib yubordi, — dedi Meʼmor xotiniga. — Mirmuhsin, Meʼmor

rvsh. Nihoyat daraja-da sarson, ovorayi sarson.

Qonuniy talabimizni vaqtida bajarmay, sarson-sargardon qilgan odamlarni jazolash oʻrniga, ularning boshini silab oʻz obroʻyimizni yerga urishimiz kerakmi? — Shukrullo, Saylanma

ot Sarsonlikdagi hayot, ahvol.

Urush tufayli ota-onalaridan bevaqt judo boʻlgan, sarson-sargardonlik boshlariga tushgan goʻdaklarning achchiq qismati Mahkam akalar oilasi bilan Muborakxonni bir-birlariga bogʻlab qoʻygan edi. — R. Fayziy, Hazrati inson