фл. 1. Қийнамоқ феълининг ўзлик нисбати.
Оғриқдан қийналмоқ. Ташналикдан қийналмоқ. Тепаликка чиқишда кўп қийналдик. Масалани ечишда қийналмоқ.
Қиз тўғри ўша ерга келиб чўккалади. У ҳансирар, қийналиб нафас олаётгани билиниб турар эди. — М. Исмоилий, Фарғона тонг отгунча
Отабек боши берк кўчада қолгандек бўлди, жавобига қийналди. — А. Қодирий, Ўтган кунлар
2. с. т. Бирор жиҳатдан сиқилмоқ, муҳтожлик, қийинчилик сезмоқ.
Сувдан қийналдик. Пулдан қийналмоқ.
[Ёʻлчи] Тутилиб қолмас-а, калласи жойида; тегирмонга тушса, бутун чиқадиганлардан у. Лекин овқатдан қийналади-да, мендан баттар чақасиз эди. — Ойбек, Танланган асарлар