Hayot Foundation loyihasi
Loyiha haqida
Oʻz
Oʻz

Qidiruv

«QAVARMOQ» boʻyicha 17 ta natija: Izohli

Filtr
Lugʻat turi
Izohli Tarjima Terminologik

Lugʻat maqolalari

9 ta
qavarmoq

fl. 1. Ishlash, ishqalanish yoki kuyish natijasida qavariq hosil boʻlmoq.

Kun boʻyi ketmon chopib, qoʻlim qavardi.

Mening ham dastyorchilik qilaverib, oyogʻim qavardi. — Oydin, Fonar tagida

Beton qorish mashinasini aylantirish vaqtida qavarib ketgan qoʻllari zirqirardi. — Sh. Rashidov, Qudratli toʻlqin

2. Turtib chiqmoq, boʻrtib turmoq.

Ikkisining boʻyin tomirlari arqonday qavargan, bilak paylari temirga aylangan. — Oybek, Tanlangan asarlar

3. koʻchma Yetilib, pishib, yaqqol sezilib boʻrtib turmoq.

Mehmonni kuzatib qoʻyganidan soʻng Ganjaning koʻnglida qavarib turgan oʻt birdaniga lovullab ketdi. — E. Samandar, Daryosini yoʻqotgan qirgʻoq

  • Koʻksi (yoki yurak-bagʻri, koʻngli) qavardi Gapi qursin, yurak-bagʻrim qavardi, Goʻroʻgʻliga borib, bergil xabardi. — GoʻroʻgʻliZakot dedi, oʻn toʻrt mahram buyurdi, Mahram kelib, menga berdi xabardi, Zakot degan gapga koʻnglim qavardi. — Alpomish
  • Oyogʻi qavarmoq Yuraverib, qatnayverib charchamoq.
  • Tili qavarmoq Gapiraverib charchamoq. Yigit qoʻlini siltadi: — Zapchast [ehtiyot qismlar] deyaverib, tillarimiz qavarib ketdi. — I. Rahim, Zangori kema kapitani
Toʻliq maqola →
qavariq

sft. 1. Uzoq ishlash, ishqalanish va boshqalar sabab bilan terida hosil boʻlgan shish, pufak.

Qoʻldagi qavariqlar.

2. sft. Shish, pufak hosil boʻlgan; qavargan.

Daryo qizga erkalangandek, toʻlqin koʻtarib qirgʻoqqa chiqar va uning qavariq oyoqlarini yalab ketar edi. — Yoshlik

3. Gumbazsimon boʻrtgan; boʻrtib chiqqan.

Qorday oppoq yaktagining yoqasidan habashlarnikidek qora qavariq koʻkragi boʻrtib chiqib turardi. — S. Karomatov, Oltin qum

Toʻliq maqola →
qavartma

sft. ayn. Qavariq 1.

Agar tashqi tomondan qaralsa, oʻpka pufakchalari yarim doira koʻrinishidagi qavartmalar bilan qoplangan boʻlib koʻrinadi. — Anatomiya

Toʻliq maqola →

Hammasini koʻrish · 9 →

Taʼriflar ichida

8 ta
qavartirmoq

qavartir Qavarmoq feʼlining orttirma nisbati. koʻchma Mubolagʻa qilmoq; boʻrttirmoq. Nuri erdan koʻngilsiz edi. Ayniqsa, keyingi kunlarda erining qusurini oʻz xayolida gʻ

qabarmoq

qabar ayn. Qavarmoq. Uning ingichka beli, chinni kaptar koʻksidek qabarib chiqqan koʻksi, yoʻgʻon sochlari shunday koʻrinib turardi. Mirmuhsin, Umid Rahmatillaning oyoqla

qavarmoq

qavar Ishlash, ishqalanish yoki kuyish natijasida qavariq hosil boʻlmoq. Kun boʻyi ketmon chopib, qoʻlim qavardi. Mening ham dastyorchilik qilaverib, oyogʻim qavardi. Oyd

poʻrsildoq

po‘rsildoq Dukkaklilarga mansub, hosili pufakka oʻxshash buta. Teridagi qavariq, shish; qavarib, quruqshab yorilgan joy. Poʻrsildoq lablar. Nusratbek beixtiyor, tushimmi,

Hammasini koʻrish · 8 →