ot din. Odam oʻlgandan keyin boradigan dunyo, olam; dunyoning tugash kuni, qiyomat.
[Azizboy:] Bu foniy dunyoda och oʻldi nima-yu, toʻq oʻldi nima? Oxirati baxayr, imoni basalomat boʻlsin. — N. Safarov, Sharq tongi
— Bu dunyo besh kunlik, yolgʻon dunyo. Oxiratni esdan chiqarmang, ha! — dedi domla. — P. Tursun, Oʻqituvchi
Nahot oxiratga yuz bursa jahon, Nahot karomatlar haq chiqsa, nahot. — A. Oripov, Yillar armoni
- Oxirat oshi Hayotning soʻnggi damida yeyilgan ovqat.
- Oxiratda 1. Narigi dunyoda; qiyomatda. Yigirma soʻm qarz edi, oxiratda ham javobini beradi. — Oybek, Tanlangan asarlar;U oxiratda ham tuzalmaydi.
- Oxiratini kuydirmoq Imon-eʼtiqodidan ayirmoq, ayrilmoq; xonavayron qilmoq. Maʼlum boʻlishicha, yer yutgur Asqad onasining oxiratini kuydirib, ukalarining rizqini qiyib, yetmish soʻmning hammasini oʻgʻirlab, shaharga ketib qolibdi. — Yoshlik