фл. 1. Кимсанинг ўтириши учун жой бермоқ, ўтиришга кўмаклашмоқ.
Гиламга ўтқазмоқ. Диванга ўтқазмоқ. Машина кабинасига ўтқазмоқ.
Зайнаб оёғи олти, қўли етти ҳолда эрини тўрт қават кўрпача устига ўтқазиб, ёнига учта пар-ёстиқни уйди. — А. Қодирий, Ўтган кунлар
2. Жойлаб қўймоқ, ўрнатмоқ.
Ёʻлчи токчада ётган шамни ёқиб, бир пиёлани тўнтариб, унинг устига шамни ўтқазди. — Ойбек, Танланган асарлар
Мулла Бурҳон оппоқ дока саллани қозиқдан оҳиста олди, кимхоб тўппига ўтқазди ва бошига қўйди. М. Жўрабоев, М. — Б. мартабаси.
3. Экмоқ (кўчат, қаламча ҳақида).
4. Ўринлаштирмоқ, жойламоқ; қўймоқ.
Квартирант ўтқазмоқ.
- Ўтқазгани жой топмаслик Ниҳоятда яхши қабул қилмоқ, эъзозламоқ. Офтоб ойимни бўлса Ўзбек ойим ўтқазгани жой топмас, қуда сўзи ўрнига, синглим, деб хитоб қилар, ошни ҳам унинг раъйини сўрамасдан буюрмас эди. — А. Қодирий, Ўтган кунлар
- Бошига ўтқазмоқ 1. Ортиқ даражада ҳурмат қилмоқ, эъзозламоқ; Ёш, чиройли хотинга ёқиш, унинг кўнглини кўтариш учун, уни ҳаммамизнинг бошимизга ўтқазиб қўяди. — Ойбек, Танланган асарлар