Поиск

sft. Qutulish uchun chorasi, iloji boʻlmagan, mushkul ahvolda qolgan; noiloj.

Kater ilgarilab ketdi. Biroq Zumrad oʻgirilib, hamon bepoyon dengiz qaʼrida qolib ketayotgan yolgʻiz, najotsiz qushchani anchagacha kuzatib bordi. — S. Siyoyev, Otliq ayol

Boshpanasiz, najotsiz yetim oʻgʻil va qizlar birovlarning zulmi va iskanjasiga, xoʻrlashiga noiloj chidar, yashamoq uchun bundan oʻzga choralari yoʻq edi. — P. Tursun, Oʻqituvchi

ot 1. Xalos boʻlish, qutulish.

Najot bermoq. Najot topmoq. Najotga chiqmoq.

Faryod urib yigʻladi Shahlo, Koʻkni bosib ketdi nolasi. Yum-yum yigʻlab, sochini yuldi, Boʻlmadi hech najot chorasi. — T. Tula

Yaratganning oʻzi najot bersin, ollohu akbar. — N. Safarov, Sharq tongi

Usta Farfi davom etib dedi: bir maktub sababi bilan kutmagan joyda dor ostida najotga chiqqanlar. — A. Qodiriy, Oʻtgan kunlar

2. Qutulish yoki qutqarish uchun zarur yordam, koʻmak.

Zolimdan najot kutish befoyda, mahol. — Gʻayratiy

Oʻgʻlining dardi bilan choʻkkan Oysha xola najot istab, Yoqutbikaning oldiga bordi. — J. Sharipov, Xorazm

n hopelessness

ot Najot beruvchi, xalos etuvchi, qutulish yoʻlini koʻrsatuvchi; qutqaruvchi.

Oʻsha goʻzal qizcha Boburni oʻz najotkorini kutganday kutadi — buni ham Boburga kelib aytuvchilar bor. — P. Qodirov, Yulduzli tunlar

Jasur najotkorlar saf-qatorida Oʻzbek yigitining nomi ham kushod. — A. Oripov, Yurtim shamoli