Поиск

fl. 1. Biror narsaning ustiga (odatda ot-ulovga) oyoqlarni ikki yoqqa solintirib oʻtirib olmoq.

Tuyaga minmoq. Mototsiklga minmoq. Ot kimniki — minganniki. — Maqol

Yormat aravaning har qismiga razm solib, keyin chaqqonlik bilan otga mindi. — Oybek, Tanlangan asarlar

Boʻtaboy azim tup yongʻoqqa tirmashib, bogʻ devoriga mindi. — S. Ahmad, Hukm

2. shv. Transport vositalariga chiqmoq, oʻtirmoq.

Aravaga minmoq. Tramvayga minmoq. Mashinaga minmoq.

U yerdan odatda kemaga minilar, Chorjoʻyda oʻtaravaga oʻtirish kerak edi. — S. Siyoyev, Avaz

Boboqul ota Qaynardan qaytishda Toʻlamat moʻylovning pichan ortilgan avtokachkasiga minishga majbur boʻldi. S. — Anorboyev, Oqsoy

3. shv. Transport vositalarining biror turini boshqarmoq, haydamoq.

Mashina minmoq. Arava minmoq.

Jon figʻon bundan besh-olti yil burun qaysi bir idoraning izvoshini minar ekan, kirakashlik qilib, qoʻlga tushgandan keyin haydashibdi. — A. Qahhor, Jon-figʻon

Arslon chiroyli kostyumlarini garderobga ilib, kombinezon kiyib, universal mindi. — Mirmuhsin, Yashiringan kuch

4. koʻma. Oʻtirmoq, inmoq.

Bulbul ketib, bogʻda navosi tindi, Yulduz yelkasiga goʻyo togʻ mindi. — B. Boyqobilov, Sadoqat

5. Amal, mansab mazmunli soʻzlar bilan qoʻllanib, shu soʻz bildirgan vazifa, lavozim. mansabni egallamoq maʼnosini bildiradi.

Nodon Anvar oʻrdadan quvlanish yeri-da sarmunshiylik masnadiga minmoqchi! — A. Qodiriy, Mehrobdan chayon

Amalga yangi mingan hovliqma odamdek burnini koʻtargan. — Oybek, Tanlangan asarlar

Aʼzam Mirahmedov bosh vrachlik lavozimiga mindi-yu, xoʻmrayib kirib, chimirilib chiqadigan boʻldi-qoldi. — Mushtum

6. Avj, gʻazab kabi ayrim soʻzlar bilan qoʻllanib, shu soʻzlar bildirgan holatning yuz berishi maʼnosini bildiradi.

Beoʻxshov choʻlning daydi shamoli avjga mingan. — F. Nurullayev, Boʻz yigit

— Toʻxtat deyapman senga! — lablari pirpirab, jahlga minib baqirdi rais. — Mushtum

Sovuq chunon qahriga minganki tishimiz tishimizga tegmay qaltiraymiz. — O. Husanov, Qoʻshiqchining taqdiri

ot 1. Yer, suv ostiga qoʻyiladigan portlovchi snaryad.

Tankka qarshi mina. Suv osti minasi. Mina qoʻymoq.

yoʻl yoʻgʻon daraxtlar bilan toʻsilib, atroflarga mina koʻmildi. — I. Rahim, Chin muhabbat

2. Minomyotdan otiladigan snaryad.

Boshimiz ustidan minalar chinqirib oʻtib yoriladi. — Sh. Rashidov, Qudratli toʻlqin

3. ayn. Torpeda.

son 1. 1000 raqami va shu raqam bilan ifodalangan son, miqdor.

Mingni mingga qoʻshmoq. Ming soʻm pul. Ming kishi.

2. Koʻp, koʻpdan-koʻp, juda.

Mingdan-ming rozi boʻlmoq. Ming yashamoq.

Fotima amakisining avzoyini koʻrib, kelganiga ming pushaymon qildi. — P. Tursun, Oʻqituvchi

3. Har qancha.

Sen ming chiroyli boʻlma — yetimsan. — P. Tursun, Oʻqituvchi

Ming dod denglar, ming faryod denglar, behuda! — Oybek, Tanlangan asarlar

Sizning oʻrningizda boʻlak odam boʻlganda, ming yomon koʻrsa ham bir borib, oʻsha bechorani yupatib kelar edi. A. — Qahhor, Qoʻshchinor chiroqlari

ot 1. mat. Ayirish amalini yoki manfiy miqdorni bildiruvchi (—) belgi.

2. mat. Ayiruv, oluv.

Besh minus toʻrt — baravar birga.

3. mat. Miqdorning manfiyligini, haroratning noldan pastligini bildiruvchi soʻz yoki belgi.

Bugun harorat minus yigirma.

4. Oʻquvchiga qoʻyilgan bahoning toʻliq emasligini, uning bilimi shu bahoga yetarli emasligini bildiruvchi soʻz yoki belgi.

Minus uch baho qoʻymoq.

1. esk. kt. Bundan keyin.

Bir kun oqsoch xotin Rahimjon aka degani uchun domladan bir tarsaki yedi. Domla: Minbaʼd, begim, degin— dedi. A. — Qahhor, Sarob

Doʻst topmoq har zamon mushkul edi, minbaʼd ham shundoq qolur. S. — Siyoyev, Yorugʻlik

2. Hech, sira, aslo.

Men endi qilmayman, minbaʼd qilmayman. — A. Muxtor, Tugʻilish

ot 1. din. Masjidda imom vaʼz aytadigan baland joy.

Hazrat minbardan tushib, betiga fotiha tortganidan keyin, masjid muazzini bilan darvozaning yoniga borib turdi. — M. Muhammadjonov, Turmush urinishlari

2. Maʼruza qilinadigan, axborot beriladigan baland kursi; tribuna.

Minbarga chiqmoq. Minbarda turib gapirmoq.

Umrida minbarga chiqmagan Mirvali bangi ham, uzicha aytganda, mehrobga soʻzga chiqib, soʻzining oxirida hammani kuldiradi. — A. Qodiriy, Obid ketmon

Hali institutning minbarlaridan Oʻnlarcha olimdan tinglaysan xitob. — Gʻ, Gʻulom

Doska yonida ustiga qizil surp yopilgan yozuv stoli, uning chap tarafida minbar. — F. Musajonov, Himmat