Изоҳли луғат
· яна 6 та луғатда
от 1. кт. Сўз, калима; тил.
Бирдан эрининг шошилмай, очиқ чеҳра, ширин лафз билан кириб келгани Ойша холага нашъа қилиб кетди. — Ш. Тошматов, Эрк қуши
Буларнинг лафзига қулоқ солиб турган Лолахон ўзини тутолмай отилади. — У. Исмоилов, Сайланма
2. кўчма Берилган ваъда, аҳд, сўз.
Ҳозир Нодирнинг юрагида номус ўти, йигитлик лафзи, ориятидан кўра худбинлик, ўжарлик устун турарди. — Ш. Ғуломов, Ёрқин уфқлар
Пахтакорнинг одатича шундай: сўз бердингми, лафзингда тур! — П. Шермуҳамедов, Пискентлик паҳлавон
- Лафзи тез Оғзига келган сўзни қайтармайдиган, салга жаҳли чиқиб гапириб юбораверадиган. Кумушингизнинг феъли-автори ўзимга маълум: эрка ўсган, лафзи тез. — А. Қодирий, Ўтган кунлар
- Лафзи ёʻқ Сўзида, аҳдида турмайдиган, ваъдасини бажармайдиган.
- Лафзи ҳалол Чин сўзли, аҳдида турадиган, ваъдасининг устидан чиқадиган. Лафзи ҳалол, қуролдош дўстлар Ўринлайди аҳд-у паймонни. — Ё, Мирзо
- Лафзини ютмоқ ёки лафзидан қайтмоқ Аҳдидан қайтмоқ, айтган гапи, берган ваъдасидан тонмоқ.