Izohli lugʻat
· yana 6 ta lugʻatda
fl. 1. Kelmoq feʼlining orttirma nisbati.
Uyga keltirmoq. Chekkisini keltirmoq. Gʻazabini keltirmoq. Gʻashini keltirmoq.
Hokimning zugʻumli buyrugʻi xalqni gʻalayonga keltirdi. — M. Ismoiliy, Fargʻona tong otguncha
2. Fikrini quvvatlash, isbotlash uchun qoʻshimcha fikr aytmoq yoki boshqa kishining fikrini qoʻshib aytmoq.
Misol keltirmoq. Sitata keltirmoq. Dalil keltirmoq.
Jomiyning ilmi va fazilati toʻgʻrisida Navoiyning shu soʻzlarini keltirmak kifoyadir. — Gʻ. Gʻulom, Tarixiy munosabatlar
- Imon keltirmoq Dam xudoga imon keltirib, dam yoʻtalib, birov eshikdan kirdi. — P. Tursun, Oʻqituvchi
- Kalima keltirmoq Beimon ketma, deyman. Qani, kalima keltir.ʼ — K. Yashin, Hamza
- Kiftini keltirmoq Qoyil qilmoq, juda oʻrniga qoʻymoq. Har qanday ishni kiftini keltiradi.
- Shak keltirmoq Yana bularga shak keltirdim. — U. Ismoilov, Saylanma
- Qiron keltirmoq Mana bu tugʻni Hazrat Ali Karbalo dashtida kofirlarga qiron keltirganlarida koʻtarib chiqqanlar. — K. Yashin, Hamza