Qidiruv

ot 1. Maqsadni yuzaga chiqarish uchun kishida boʻlgan matonat va qatʼiyat.

Kuchli iroda. Temir iroda. Irodasi yoʻq odam,

Ular qurollari sinsa — qoʻllari bilan, qoʻllari sinsa — tishlari bilan, tishlari sinsa — irodalari bilan qazish qasdida kelgan suv tashnalari edi. — M. Ismoiliy, Fargʻona tong otguncha

[Turgʻunboyning] Koʻnglini qandaydir shubha va norozilik tatalab turgan boʻlsa ham, biron qarshi fikr aytishga irodasi yetmadi. — P. Tursun, Oʻqituvchi

2. Ixtiyor, xohish.

Oʻz irodasiga qarshi ish qilmoq.

Huquqiy davlatda ozchilik, agar mard boʻlsa, koʻpchilikning irodasiga itoat qiladi. — E. Yusupov, Istiqlol yoʻlida

3. Iroda (xotin-qizlar ismi).

sft. Irodasi kuchli, biror maqsad uchun matonat va qatʼiyat bilan kurashadigan.

Muhiddinqori Yoqubov irodali, harakatchan, xushchaqchaq, ajoyib ovozli sanʼatkor edi. — T. Obidov, Yusufjon qiziq

Shu yoʻl egilgan qomatingizni koʻtaradi. Irodali boʻling, faqat irodali boʻling. — S. Ahmad, Qadrdon dalalar

sft. Irodasi yoʻq, irodasi sust; bardoshsiz.

Irodasiz odam,

Poraxoʻr shaxslar siyosiy jihatdan yetuk boʻlmagan beqaror va irodasiz shaxslarni qoʻlga olmoqdalar. — Gazetadan

ot Irodasiz odamga xos xususiyat, xatti-harakat, holat; qatʼiyatsizlik.

Gʻulomjon esa hech kutilmaganda irodasizlikka berilib, hamma narsadan koʻngli sovidi — J. Abdullaxonov, Toʻfon

Irodasizlik qilding, desam, xafa boʻlma. Bu qoqilish oʻtib ketadi, bir necha vaqtdan soʻng oʻzingga kelasan. — Mirmuhsin, Umid

Ирода очень умная девочкаIroda juda aqlli qiz

talab, ishontirish, mashq, ragʻbatlantirish, jazolash.Subgroup of methods of treatment and self-reversal to the will and deed: demand, suggestion, exercise, encouragement, punishment.