Поиск

ot Yaxshi hid, xushboʻy; umuman hid.

Har bir gulning oʻz ifori bor. — Gazetadan

Qarqunoq parvozda yaproqdek yengil, Goʻyoki oldinda qish emas, bahor. Bogʻlarda azaliy nafis bir ifor — A. Muxtor

Iqtisodiy faoliyat turlari umumdavlat tasniflagichi

ot Vijdoniy poklik; nomus, hayo.

U [Aziza] muhabbatdek sof, qizlik iffatidek begʻubor kishilar safiga qoʻshiladi. — S. Ahmad, Muhabbatning tugʻilishi

Uy burchagida, shohi soʻzana yonida, iffat yuzasidan yuzini yashirib Mayna oʻtiradi. — Sh. Toshmatov, Erk qushi

Oʻzbekning xotinlari iffat uchun yaralgan. — Yoshlik.

sft. 1. Nopok narsalar bilan bulgʻangan; bulgʻanch.

Iflos hovli. Iflos ariq.

Otxona ichidan iflos kurak va supurgi koʻtarib Joʻra chiqdi. — Oybek, Tanlangan asarlar

2. Kir bosgan; kir, isqirt.

[Hammollarning] Belida, yelkasida uzuq-yuluq arqon, kiyimlari juldur, iflos. — Oybek, Tanlangan asarlar

3. koʻchma Har qanday yomon, qalb ishga yuradigan; nopok.

Iflos odam.

Yoʻqol, dedim, yoʻqol, tulki! Kolxozimizda sendek ifloslarga non yoʻq! — Sh. Rashidov, Boʻrondan kuchli

4. Shunday odamga nisbatli haqoratni bildiradi; yaramas, razil, palid.

[Choʻpon soziga:] Tufu, iflos! Hali senmi shuncha xotin bilan tagʻin birovlarning haramiga koʻz soladigan?! — Hamza, Maysaraning ishi

5. Odobdan tashqari; yaramas, yomon.

U uyning u yogʻidan bu yogʻiga betoqat yurib, iflos gaplarni ogʻziga toʻldirib soʻkindi. — H. Gʻulom, Mashʼal

ot 1. Bildiruvchi, aks ettiruvchi nutq birligi: soʻz, ibora, gap va boshqalar

Oʻqituvchi qisqa ifodada koʻp fikr ayta bilish mahoratiga ega boʻlmogʻi lozim. — R. Usmonov, Odobnoma

Bu soʻz borligʻimning, butun qalbimning Ifodasi boʻlib quyilar tilga. — Zulfiya

Ifoda siqiqligi sheʼrda muhim masalalardandir. — Yoshlik

2. Aks ettiruvchi yoki mujassamlantiruvchi belgi, holat, ramz.

Qardosh mamlakatlar adabiyoti va sanʼati dekadalari — xalqlar doʻstligining ifodasidir.

— Oʻzingiz bilasiz, — dedi Sidiqjon unga maʼyus nazar tashlab; uning bu qarashida cheksiz minnatdorchilik ifodasi bor edi. — A. Qahhor, Qoʻshchi-nor chiroqlari

Chehrasiga qalqib chiqqan alamli ifodani yashirishga urinib, burilib qaradi. — Oʻ. Hoshimov, Qalbingga quloq sol.

3. Biror matematik bogʻlanishni bildiruvchi formula.

Algebraik ifoda. Pifagor teoremasining matematik ifodasi. Ifodani yechmoq.

ot 1. din. Roʻza kunlari shom paytida oʻtkaziladigan roʻzani ochish, ogʻiz ochish marosimi; ogʻiz ochib ovqatlanish.

Iftor qilmoq. Iftorga oʻtirmoq.

Afandi uzun kun roʻza tutib toliqqan edi, iftordan keyin machitga chiqmadi. — Latifalar

Tohir keksa ota-onasi bilan iftor qilmoqda edi. — P. Qodirov, Yulduzli tunlar

2. Iftor vaqtida beriladigan ziyofat, mehmondorchilik.

[Mirobid] Urf-odatlarni hurmat qiladi: har yili besh-oʻnta kishini iftorga chaqiradi. — V. Gʻofurov, Vafodor