Поиск

1. kam qoʻll. Toʻsiqsiz ergash gap tarkibida “har qancha“, “qanchalik“, imkon boricha maʼnosini bildiradi.

Parda yopildi. U odamlar harchand chapak chalishsa ham, qayta ochilmadi. — A. Eshonov, Chorgoh

Sultonov harchand urinmasin, ularning gapi qovushmadi. — E. Usmonov, Yolqin

Yodgor uni harchand ranjitgisi kelmasa-da, yolgʻon gapirolmadi. — Oʻ. Hoshimov, Qalbingga quloq sol

2. s. t. Inkor maʼnosini kuchaytiradi; aslo, hech.

Hasanxonning pand-u nasihatlarini Zevarxon qabul qilmadi, harchand gapga quloq solmadi. — Bahrom va Gulandom

ot Shar soʻzining kichraytirish shakli.

ot 1. Horiganlik, horgʻinlik; toliqish, charchash.

Shukurjon butun aʼzoyi badanida qattiq charchoq his etib, bir nafas eshikka suyanib turdi. — O. Yoqubov, Ota izidan

2. sft. Charchagan, toliqqan.

Togʻ havosi naqadar soʻlim — charchoq asablarga orom, yuraklarga mador, tanlarga quvonch bagʻishlar, inoqlik va shirin muloqotlarga sabab-chi boʻlardi. — Mirmuhsin, Ildizlar va yaproqlar

ot Hasharda qatnashuvchi, hashar qiluvchi.

Har yili paxta yigʻim-terimida koʻplab shaharlik hasharchilar ishtirok etadilar. — Gazetadan

Uch kundan beri yomgʻir yogʻib, hasharchilar ishga chiqmay zerikib qolishgandi. — Oʻ. Hoshimov, Nur borki, soya bor

Ertasi kun polizga bir necha hasharchi yigitlar kelishdi. — N. Yoqubov, Polizda

ot Shaharliklarga xos.

Bogʻ burchagidagi soʻrida shaharcha kiyingan bir yigit oʻtiribdi. — A. Muqimov, Donishmand

fl. Mehnat, ish-harakat, dard-alam va shu kabilar natijasida horgʻinlik, charchoq sezmoq; horimoq, tolmoq.

Oyoq charchasa, tayoq yaramaydi. — Maqol

Ikromjon yura-yura charchadi. — S. Ahmad, Ufq

— Asablaringiz ogʻir xayollardan charchagan. Qattiq charchagan, — dedi vrach. — Yoshlik

Ikki soatlik qiziq bir bazmdan soʻng qizlar charchadilar-da, oʻyinni toʻxtatdilar. — A. Qodiriy, Oʻtgan kunlar