Qidiruv

1. yukl. Javobda biror fikrni tasdiqlashni, rozilikni bildiradi.

— Shu gaplar toʻgʻrimi? — Ha. — Shu yigit ukangizmi? — Ha.

Ha, rost, bemorlarning koʻpi har yerdan kelgan odamlar — S. Karomatov, Oltin qum

— Ha, — dedi Orif Nosirov. — Qadimda sayyoramizda fazogirlar boʻlishgani toʻgʻrisida baʼzilar aytishgan. — O. Moʻminov, Xiyobondagi uch uchrashuv

2. Biror fikrni, faktni alohida qayd etadi, taʼkidlaydi.

Muqaddam bir nafas quloq solib, bu kuyni avval hech qayerda eshitmaganini sezdi. Ha, bu yangi kuy edi. — Oʻ. Hoshimov, Qalbingga quloq sol

Ha, bechoraning boshiga mushkul ish tushib turipti. — A. Qahhor, Ogʻaynilar

3. Kutilmaganda biror yangi narsa, hodisa, fikr yodga tushganda, biror kimsa yoki narsani eslashga urinishda, suhbat mavzusini oʻzgartirish kabi hollarda aytganday, aytmoqchi degan maʼnoni bildiradi yoki shu soʻzlarga xos maʼnoni taʼkidlab, unga eʼtiborni tortadi.

Oti qursin Ha, aytgandek, oshingizni yeysizmi? — A. Qahhor, Qoʻshchinor chiroqlari

— Ha, gap bu yoqda deng! — dedi soʻzlarni urgʻularga boʻlib. — S. Karomatov, Oltin qum

Bir oydan beri minamiz-ku, yangi ot, yangi foytun. Katta maydondagi saroyda. Ha, qoʻshishni, haydashni bilasanmi? Oybek, — Tanlangan asarlar

und. s. Norozilikni, doʻq-poʻpisa va shu kabilarni ifodalaydi.

Hah, hali oqibat shumi? Hah, choʻchitvording-ku! Hah, hali qarab tur, adabingni yeysan!

— Hah! Sen hali mening shoirligimni nazaringga ilmadingmi! — deb [podsho] afandini uch kun otxonaga qamab qoʻyishni buyurdi. — Latifalar

ot Makka shahriga borib, zulhijja oyida belgilangan tartib-qoida va odatlarga amal qilgan holda, Kaʼbani tavof va ziyorat etish.

Avliyolardan bittasi uch martaba hajga borib kelgan ekan. — P. Tursun, Oʻqituvchi

— Xudo nasib qilsa, hajga ketib, gunohlarimni oʻsha yoqda yuvib kela-man! — deb niyat qildi otam. — M. Ismoiliy, Fargʻona tong otguncha.

Har yili minglab oʻzbekistonlik musulmonlar haj amalini ado etib qaytishmoqda. — Gazetadan

Yechimini topgan, bir yoqli etilgan; nima qilish lozimligi aniqlangan (muammoli, chigal masala haqida).

Masala hal.

Har lahza zamonlar umridek uzun, Asrlar taqdiri lahzalarda hal. — Gʻ. Gʻulom

Bir masalaning hali uchun qoshingizga kelgan edim. — Oybek, Navoiy

bogʻl. 1. Teng qiymatli gap boʻlaklari yoki sodda gaplarni, shuningdek, toʻliqsiz gap qismlarini bogʻlash uchun xizmat qiladi.

Bitibdur besh ravot ham uchta hammom. Uygʻun va I. — Sulton, Alisher Navoiy

Oʻzi choʻloq-ku, lekin shamolday tez uchadi, ham oʻzi dilkash yigit. Ishni puxta qiladi. — Oybek, Tanlangan asarlar

Oʻzi odamlar bilan gaplashib oʻtirganday koʻrinsa ham, fikri-yodi bloknotda ekani koʻrinib turar edi. — A. Qahhor, Qoʻshchinor chiroqlari

Quyosh yashiringan boʻlsa ham, kunduzning yorugʻligi hali tamom soʻnmagan edi. — Oybek, Tanlangan asarlar

2. yukl. Taʼkid, kuchaytirish bildiradi.

Kun ham kech boʻlib qoldi. Shu ham ish boʻldimi? Bu botinka oyogʻimga sira ham sigʻmaydi. U opasiga hech ham oʻxshamaydi.

U tuflisini ham yechmay, namatga oyoq qoʻydi. — Gazetadan

Nihoyat, ular ham charchadi shekilli, vagonga sukunat choʻkdi. — Gazetadan

taql. s. Ogʻizning tez ochilib-yopilishini, shunda chiqadigan tovushni bildiradi.