Қидирув

от 1. Сурат чизиладиган (солинадиган), бирор нарса тасвирланадиган, сурат бўёқларидан ажралиб турадиган асосий ранг.

Оқ фонга чизилган қизил гуллар. Осмон фонида олинган сурат.

2. Кўзга ташланиб турган кимса ёки нарса орқасидаги кўриниш; асосий расм, сурат ортидаги манзара.

Бу уй ҳайвонининг расми яшил ўтлар фонида қизил бўёқ билан ишланган. — Газетадан

Юсуф ўзининг ибратомуз киноларида кишиларнинг идеал образларини уйдирма бўлмаган, жонли кишилар фонида тасвирлайди. — ЎТА

3. кўчма Умумий шароит, вазият, муҳит.

Ҳамза Ҳакимзода Ниёзий тарихий шахс сифатида ўзбек маданиятининг ривожланиш тарихи фонида кўрсатилади. — Газетадан

миллий онг ва миллий тафаккур она тили бойликлари фонида, бевосита ёрдамида шаклланади. — Газетадан

от 1. Давлат, муассаса ва шу кабиларнинг муайян мақсад учун ажратилган пули, маблағи, моддий бойликлари мажмуи; жамғарма.

Валюта фонди. Иш ҳақи фонди. Бўлинмас фонд,

Фондимизда бир юз минг сўм пул бор. — С. Аҳмад, Қадрдон далалар

Бўлинмас фондимизда нақд бир ярим миллион сўм пул бор. — Ўзбекистон қўриқлари

2. Қатъий, барқарор даромад келтирувчи қимматбаҳо қоғозлар.

Фонд биржаси. Фонд бозори.

3. Жамлаб, эҳтиётлаб қўйилган захира, бойлик.

Жамоа хўжалигининг уруғлик фонди.

Музей фонди. Уй-жой фонди. Китоб фонди. Тилнинг луғат фонди.

Музейимиз фонди-да Ўроқовнинг шахсий буюмлари, суратлари сақланмоқда. — Н. Сафаров, Оловли излар

4. Бирон-бир ижтимоий қатлам, аҳоли гуруҳига (болалар, ногиронлар, бадиий-ижодий уюшмаларнинг аъзоларига) моддий ёрдам кўрсатиш мақсадида ташкил этилган муассаса, ташкилот.

Архитекторлар фонди. Бадиий фонд.

черк. жом, тоғора (болани сувга ботириб чўқинтириладиган катта идиш)

от 1. Ёритувчи қисми шар, қутича, найча ва бошқалар шакллардаги шиша ёки шаффоф материал билан ўралган чироқ.

Чўнтак фонари. Қўл фонар.

Мунира югуриб, вагонга чиқди-да, қўл фонарини олиб тушди. — Ў. Умарбеков, Ёз ёмғири

Козим ака столнинг тортмасини очиб, у ердан электр фонар олиб, менга кўрсатди. — Э. Райимов, Ажаб қишлоқ

2. Фонус.

Фонар яна тутай бошлади, керосин тугай деб қолган эди. — Й. Муқимов, Олов ва ниҳоллар

Ғуломжоннинг кулгиси шу қадар беғубор эдики, ҳужрада қирқинчи фонар ёқилгандай бўлиб кетди. — М. Исмоилий, Фарғона тонг отгунча

адж ~э русчатёмныйўзбекчатўқ

сфт. эск. кт. Тез ўтиб кетадиган; тезда барҳам топувчи; ўткинчи, омонат.

Шундай қилиб, Мадраса қураётган яхши одамлардан бири фоний дунёдан боқий дунёга кетди. — Мирмуҳсин, Меъмор

Неча шоҳлар ўтди фоний дунёда: Баъзиси отли-ю баъзиси — пиёда. — Зулфизар билан Авазхон