Qidiruv

ot 1. salb. Gʻarazli maqsadga erishish yoʻlida birovni qoralash uchun qilinadigan yashirin xatti-harakat, buzgʻunchilik.

Fitna toʻqimoq. Oraga fitna solmoq. Fitna qoʻzgʻamoq.

Shu fitnani uyushtirgan odam Boʻtaning savodsizligidan, uzoqni koʻrolmasligidan foydalanib, shu ishni qilgan. — S. Ahmad, Hukm

Qorailon bilan oʻynashib boʻlmaydi! Amirzodalar orasiga nifoq solib, fitna bilan ne-ne kishilarni yoqalashtiradigan ham Qorailon. — Mirmuhsin, Meʼmor

2. Maʼlum siyosiy maqsadga erishish niyatida yashirin til biriktirish yoʻli bilan davlatga, siyosiy rahbarga, tashkilotga yoxud shaxsga qarshi qilingan harakat.

Fitna uyushtirmoq.

3. kam qoʻll. ayn. Fitnachi. Fitna odam,

Bunday fitna xotinni koʻrmaganman. — S. Zunnunova, Olov

4. s. t. Urishqoq, janjalkash.

Oʻzingiz bilasiz, fitna odamlar kun. — A. Qahhor, Sarob

— Odamzodning fitnasi yomon boʻladi. Koʻngli ochiqlikka ne yetsin, — dedi Inogʻomjon. — Mirmuhsin, Umid

ot Buzgʻunchilik va toʻpolonlar sababchisi, fitna uyushtiruvchi; gʻarazli harakatlar ishtirokchisi.

Fitnachilar amir Shohmalik joʻnab ketgan kunning ertasi tunda arkka hujum qildilar. — B. Ahmedov, Ulugʻbek

Fargʻonada meni Azizbekning sherigidir, deb oʻylashlari va seni bir fitnachining oʻgʻli, deb tanishlari ehtimoldan yiroq emasdir. — A. Qodiriy, Oʻtgan kunlar

ot ayn. Fitnagar.

Ichi uning goʻyo mudhish jahannam, Koʻp ixshidir bir fitnakor boʻlsa kam. — H. Olimjon

ot ayn. Fitnakorlik.

Qoʻymadi razillar oʻz fitnaligin. — Gʻ. Gʻulom, Tashakkurnoma

ot Gʻarazli maqsad bilan qilinadigan ish, xat-ti-harakatlar majmui.

Oʻzing bir vaqt fitna-fasoddan poligon eding. — A. Qahhor, Sarob

ot Doimiy ravishda fitna bilan shugʻullanish, fitnani hunar qilib olish.

Mufti olib borgan barcha fitnakorlik ishlardan xabardorligi Mirzoni ajablantirmas, mufti soʻzlarining tub maqsadi ustida oʻylardi. — A. Hakimov, Ilon izidan