бижғимоқ

фл. 1. Микроорганизмлар ёки улар ажратадиган ферментлар иштирокида парчаланиб ачиб, қайнай бошламоқ (органик моддалар ҳақида).

Ёзда қимизлари бижғиб ётади. — Ойбек, Танланган асарлар

Қаердаки бижғиган ахлат мавжуд бўлса, унинг устида бадхўр ҳашаротлар ғужғон ўйнайди. — Муштум

2. Ҳавоси бузилиб, сасиб кетмоқ; озодаликка риоя қилмай ивирсиб ўтирмоқ.

Худо ҳақи, уйингдан ялпи вагоннинг иси келади. Бижғиб кетибди. — А. Қаҳҳор, Сароб

— Пайпоғингиз қурсин, бижғиб кетибди ахтарма опчиқиб ташладим, — деди хотини Орифжонга. — С. Аҳмад, Сайланма

— Мен биламан, — деди домла, — опангиз табиати жуда нозик кўринади. Бунинг олдида Тўпанинг бижғиб ётиши яхши эмас. — А. Қаҳҳор, Сароб

3. кўчма Аччиқ гап, фисқ-у фасод қилмоқ.

Нималар деб бижғияпсиз?

4. кўчма Тўлиб-тошиб, ғуж-ғуж бўлиб ётмоқ; авж олмоқ, кўпаймоқ (иғво, фитна ва шу кабилар ҳақида).

Бижғиб борур фитна-ю фасод, Имонларга, ҳайҳот, тушди дарз. — М. Али, Боқий дунё

Унинг [Қоплонбекнинг] айёр кўзи ичида қайнаб, бижғиб ётган алам ва нафратни, баъзан-баъзан юрагини фош қилиб қўяй дер эди. — Шуҳрат, Жаннат қидирганлар

Ачиб, қайнай бошламоқ.BOZUK, BOZULMAK

1. bırshıw, ashıw

2. sasıw

3. авıс. gápsóz etiw

4. авıс. háwij alıw, kóbeyiw (gáp-sóz, araǵa sóz salıw haqqında)