Қидирув

от 1. Ўртага ёзиб, устига овқат қўйиладиган махсус мато, рўзғор буюми.

Ёмоннинг дастурхонидан яхшининг устухони яхши. — Мақол

Қумри кулранг бўз дастурхонни ёзди. — Ҳ. Ғулом, Машъал

Хуш келибсизлар. Қани, дастурхонга марҳамат. — С. Аҳмад, Юлдуз

2. кўчма Ўртага ёзилган шундай дастурхон ва унинг устига қўйилган таомлар.

Тўкин дастурхон. Дастурхон безамоқ. Дастурхон тузамоқ. Дастурхонга боққан дўст эмас. — Мақол

Юртимизнинг фаровонлиги, дастурхонимизнинг тўкинлиги ана шу оқ пахтадан. — Газетадан

Шоҳона дастурхон ёзилганди. — С. Сиёев, Ёруғлик

3. кўчма Мамлакат, жамият бойлиги, ризқ-рўзи.

Биз мамлакатимиз улкан дастурхонига оқ олтинимизни қўшишимиз билан фахрланамиз. — Р. Файзий, Таъзим

Сендақа пайтимизда биз, наинки машоқ, оғзимиздаги нонимизни ҳам эл дастурхонига қўйганмиз. — О. Ёқубов, Эр бошига иш тушса

сфт. Дастурхони мавжуд.

от 1. Тўй, катта зиёфат ва бошқа маросимларда дастурхон тайёрлаш ва келган-кетганларни кутиш учун белгиланган аёл ёки эркак киши.

Дастурхончи ва бошқа хотинлар Ёʻлчининг ёнига бемалол келсаларда, у қиз яқин келмас эди. — Ойбек,Танланган асарлар

Дастурхончи катта тарелкадаги чаросдан бир бошини олдига олиб, сиқимлаб оғзига солди. — Саодат

2. тар. Ўтмишда амир, хон ва беклар саройида сарой аҳдларига бериладиган овқатларни тайёрлатиш ва меҳмон кутиш билан шуғулланган лавозимли киши.

Гўрўғли билан Авазхон шул замон тахтга чиқиб, саркарда, тўқсоба, номдор бекларини чақиртириб дастурхончилар дастурхон ёзиб, турли таомлар тортилиб кечаси билан ҳар элга ясовулларни чоптириб ётди. — Гулшанбоғ

3. с. т. салб. Воситачи, даллол.

dasturqanlıq

ЖК русчанакрывать на стол к ДПинглизчаto lay the table for smth.немисчаden Tisch decken zu D

Тушликка (нимага?) дастурхон ёзинг. Накройте на стол к обеду (к чему?).

Lay the table for dinner (what ... for?).

Decken Sie den Tisch zum Mittagessen (wozu?).

погов. (букв. кто смотрит на скатерть, тот не друг) кто дружит с корыстной целью, тот не настоящий друг.