ot 1. Musiqa va oʻyinlar bilan oʻtkaziladigan ziyofat, toʻy, oʻtirish; oʻyin-kulgi kechasi.
Qiy-chuv bilan oʻtgan nahorlikdan soʻng hovlida yana bazm boshlandi. — Oybek, Tanlangan asarlar
Dutor yoniga childirmaning chertmagi kelib qoʻshilgandan keyin, bazm tagʻin ham jonlandi. — A. Qodiriy, Oʻtgan kunlar
Tabib, siz karnay-surnay chaldi-ring, nogʻoralar jaranglasin, bazm quramiz. — Yoshlik
2. koʻchma Tabiatdagi jonli va jonsiz narsalarning kishiga zavq beruvchi xatti-harakatlarini ifodalaydi.
Chumchuqlar daraxt shoxlarida yozdagi kabi bazm qurishgan. — A. Obidjon, Akang qaragʻay Gulmat
Kechasi oʻrdaklar bazmi boshlanadi. — S. Ahmad, Ufq
Gulduros, dahshatli gulduroslar; chaqmoqlar, chaqinlar. Osmonlarda chaqmoqlar bazmi. — U. Qoʻchqorov, Hayajonga koʻmilgan dunyo
Olisdagi zovurda yolgʻiz baqa ahyon-ahyonda vaqillab, sheriklarini bazmga chorlaydi. — Guldasta
Xilma-xil yovvoyi gullar tevaragida kapalaklar bazm quradi, asashrilar gʻuvullaydi. — J. Abdullaxonov, Oriyat
- Bazmi jamshid Katta bazm, dabdabali, shohona bazm. [Husayn:] Oʻhoʻ, bazmi jamshid qizigan ekan-da, kulgilaringiz osmoni falakka koʻtarilmoqda. — Uygʻun va I. Sulton, Alisher NavoiyKatta hovlining toʻridagi shiyponda bazmi jamshid avjida edi. — O. Yoqubov, Diyonat
- Bazm qurmoq Oʻyin-kulgili, koʻngilochar yigʻilish, oʻtirish uyushtirmoq.
- Qizlar bazmi Uning [Kumushning] vujudi qizlar bazmi ichida boʻlsa ham, xayoli allaqayoqlarda uchib yurgandek, koʻzlari oʻynaguvchi qizlarda boʻlsa ham, haqiqatda boshqa bir narsani koʻrgandek. — A. Qodiriy, Oʻtgan kunlar