Поиск

ot 1. Tang holat, tang ekanlik.

Joyning tangligi. Vaqtning tangligi.

2. Tang, siqiq joy.

Tanglikka sira tobim yoʻq.

3. Torlik, kichkina ekanlik.

Etigim bir oz tanglik qildi.

4. Ogʻir, mushkul ahvol; yetishmaslik.

Oziq-ovqat tangligi.

Roʻzgʻordan shunday tanglik tortdikki, gapirsam, balki ishonmaysiz. — Oybek, Tanlangan asarlar

Yem-xashak tangligi sabab, magazindan non olib boqishga majbur boʻlgan. — J. Abdullaxonov, Xonadon

5. ayn. Krizis, inqiroz.

Iqtisodiy tanglik. Hukumat tangligi.

Oʻtmishda tez-tez sodir boʻlib turgan ijtimoiy-iqtisodiy va siyosiy tangliklar irrigatsiya ishlariga salbiy taʼsir qilgan. — I. Jabborov, Koʻhna xarobalar siri

sft. 1. Oraligʻi, eni, hajmi yetarlicha katta boʻlmagan; tor, chogʻ.

Tang yoʻlak.

Toshni toshlarga urib, Tarqatib qoʻrqinch ohang, Yoʻli uning poyonsiz, Goʻyo sahro koʻksi tang. — Gʻayratiy

Vaqt tang, dalada ish tigʻiz. — Oybek, Tanlangan asarlar

2. Qutulish, hal qilish yoki iloji, davosini topish juda qiyin boʻlgan, gʻoyat ogʻir, mushkul, nochor.

Tang ahvol. Tang vaziyat. Bemorning ahvoli tang.

Ukang Qurbon oqsoqol tegirmonida ishlab turadi. Roʻzgʻordan bir qadar siqilishgan. U yogʻini surishtirsang, qishloqda hammaning roʻzgʻori tang. — Oybek, Tanlangan asarlar

Ishning eng tang joyi — qum bilan shagʻalning yetishmasligida. — A. Muxtor, Tugʻilish

Hayot-mamot urushining tang daqiqalarida Ergash mehri-bon onasining gaplarini esladi. — N. Safarov, Olovli izlar

стресс

identify (reveal) the sources of tension

remove the sources of tension