ot 1. Toʻgʻri, adil, tik.
Bu kun siz aytgan oʻshal Ofarin emas, ustoz, Musibat ostida rost qomati duto koʻrinur. — S. Abdulla
Toʻla, qaddini post tutgan holda, kallasini xiyol egib, erkakcha taʼzim qildi. — M. Ismoiliy, Bizning roman
2. Haqiqatdan iborat boʻlgan, haqiqatga asoslangan; toʻgʻri, chin.
Rost gap. Rost soʻz —haqqa qaror. — Maqol
Yolgʻonchining rost soʻzi ham yolgʻon boʻlur. — Maqol
— Boyagi semiz odam aytgan gaplar rost ekan, — dedi ichida [Sharofat]. — A. Qahhor, Qoʻshchinor chiroqlari
Rost aytyapman, buni men bir necha bor sinab koʻrganman. — X. Toʻxtaboyev, Shirin qovunlar mamlakati
3. ot Haqiqat, haq.
Rostga zavol yoʻq. — Maqol
Mahkam birgina shu Akbarov va Toshev masalasidagi haqni nohaqdan, rostni yolgʻondan ajratib, toʻgʻri baholash uchun qancha kuch, vaqt, qunt, iroda kerakligini endi aniq koʻz oldiga keltirdi. — P. Qodirov, Uch ildiz
Yodgor shundoq boʻlishini bilgandirki, rostini aytgandir. — Oʻ. Hoshimov, Qalbingga quloq sol
4. krsh. s. vzf. Toʻgʻri.
[Saodat:] Voy, nima deb aljiraysan? Avji oʻynab-kuladigan chogʻing-ku. Rost, baʼzi vaqtda dunyodan chiqib ketging keladi. Dunyo qursin, gʻam koʻp. — Oybek, Tanlangan asarlar
- Gapning rosti Gapning ochigʻi, toʻgʻrisi. Gapning rosti, bugun leksiya qulogʻimga kirmayapti.
- Rost kelmoq Toʻgʻri kelmoq, mos kelmoq; yoqib tushmoq. Bu gaping menga rost keldi.
- Rost koʻtarmoq Bemalol, azot koʻtarmoq. Yukni rost koʻtarmoq.
- Rost koʻcha qolib, past koʻcha bilan Aldam-qaldamlik bilan, chap berib. Nega oʻzingizni goʻllikka solasiz? Hamma ertalab dalaga shoshilsa, siz., rost koʻcha qolib, past koʻcha bilan bozorga chopasiz. — Mushtum