fl. 1. Qiyofa, holat va shu kabilarda maʼlum oʻzgarish yuz bermoq; boshqacha boʻlmoq.
Avzoyi oʻzgardi. Tovushi oʻzgardi. Kayfiyati oʻzgardi. Havo oʻzgardi. Bahor kelib, tabiat oʻzgardi.
Bashorat singlisining oʻz koʻz oʻngida oʻzgarib borayotganini sezardi. — A. Muxtor, Opa-singillar
Bogʻlardagi chillakilar chumak urib, olma, noklar, tilla-qoʻngʻiz yopishgan shaftoli va olxoʻrilar rangi soat sayin oʻzgarardi. — Nazir, Soʻnmas chaqmoqlar
Otang nuqul meni koʻrsa oʻzgarib ketadi. — P. Qodirov, Qora koʻzlar
2. Mohiyat jihatdan avvalgisiga oʻxshamagan holatga oʻtmoq, mazmunan boshqacha boʻlmoq.
Vaziyat oʻzgardi. Ijtimoiy tuzum
Baxtimizga zamon oʻzgarib, Bunday yaxshi kunlarga yetdik. E. Rahim.
3. Oʻrni, vazifasi, maqomi va boshqalar jihati yangi boʻlmoq; almashmoq, boshqa boʻlmoq.
Oʻqituvchi oʻzgardi. Boshligʻimiz oʻzgardi.
Oʻzbek yozuvi bir necha marta oʻzgardi. Adresimiz oʻzgardi. Ish joyimiz oʻzgardi. Marshrut oʻzgardi. Amudaryo oqimi tez-tez oʻzgarib turadi.
Shamol oʻzgarib, oʻng tomondan esib qoldi. — P. Qodirov, Qora koʻzlar