ot 1. Jazodan yoki jazo oʻrnidan, tutqunlikdan qochgan kishi.
Otliqlar mirshab bilan birga qochqinlarni qoʻlga tushirish uchun choʻl tomonga ot surib ketdilar. — S. Ayniy, Qullar
2. ayn. Qochoq 1.
Qayoqdandir dushman samolyotlari paydo boʻlib, qishloq ustida va chodir tikib yotgan qochqinlar tepasida aylana boshladi. — I. Rahim, Chin muhabbat
3. ayn. Qochoq 2.
Uning yakka-yu yagona oʻgʻli qochqin — xoin boʻlib chiqadi. Bu hol Ikromjon qalbiga zoʻr iztirob soladi. — U. Normatov, Musibat va matonat