Поиск

koʻchma Asossiz; amalga oshmaydigan; xom, quruq, yolgʻon

Puch daʼvo. Puch vaʼda

Oliy maktab orzusi men uchun yolgʻiz puch xayol boʻlsa ham, undan voz kecha olmadim — Oybek, Nur qidirib

Doʻstlar, demang bu puch xayol — Hamza

fl. 1. esk. kt. Chet, pastqam joy, ovloq; burchak.

Qishloqning qorongʻi puchmogʻi.

Axir, folklorchi boʻlish, qaysi bir puchmoqlarda koʻzdan pana yotgan xalq ijodining durdonalarini qidirib topish ularni yozib olib, kitob qilib chiqarish — eh-ha, igna bilan quduq qazishning ayni oʻzi-ku! — Saodat

Togʻlarning bu xil puchmoqlari unga begona edi. — S. Ahmad, Jimjitlik

Atrof tumonat oppoq edi. Bu oqlik jamiki puchmoqlar-u xilvat goʻshalarga ham allanechuk gʻayritabiiy kuch orqali tarqalgan. — Sh. Boʻtayev, Qoʻrgʻonlangan oy

2. koʻchma Tag, tub; chuqur joy.

Yurak puchmogʻida qolgan kirlarni qalam bilan tozalov shoirning ishi. — Gʻ. Gʻulom, Tanlangan asarlar

Yon-atrof qanchalik rutubatli, yaʼni qanchalik qora-quyuq ranglar bilan oʻralgan boʻlmasin, koʻnglingizga negadir iliqlik inadi, bundan ham koʻnglingiz yorishadi, ham shuuringizning xira tortgan puchmoqlarida nimadir gʻimirlaydi. — Gazetadan

ot 1. 1 Ichi boʻsh; puch.

Puchak shar. Ballon puchak boʻldi.

2. koʻchma Hech narsaga arzimaydigan, qimmati tushib ketgan; qadrsiz, puch.

[Gʻofir:] Bu yorugʻ dunyoga nima uchun keldik? Nainki muhabbat, doʻstlik, muruvvat, odamgarchilik degan ulugʻ gaplarni bozorga olib chiqsalar, puchak pulga sotsalar! — Hamza, Boy ila xizmatchi.

3. koʻchma Asossiz, puch.

U [Mashhadiy] sultonlarni, beklarni puchak, lekin koʻz qamashtirgich yaltiroq soʻzlar bilan madh etmoqqa mohir. — Oybek, Navoiy.

4. Qoʻlidan ish kelmaydigan; quruq.

Shunday ulugʻ ishlarda kishilarning saragi sarakka, puchagi puchakka chiqadi. — Oybek, Oltin vodiydan shabadalar.

sft. 1. Yassi, yopishgan yoki shikastlangan (burun haqida).

Rahimjon juda xunuk edi: qip-qizil goʻsht, puchuq burnida dogʻlar, boshida tuk. — A. Muxtor, Tugʻilish

2. Qanshari past, burni yassi, yopishgan, kichik yoki shikastlangan.

Puchuq bola.

Koʻsa va puchuq xonning boshidagi qimmatbaho toji xuddi sigirga urilgan egardek besoʻnaqay qoʻnqayib turardi. — M. Osim, Elchilar

Puchuqning kelishdan maqsadi faqat shu yozib beriladigan xatgina edi. — A. Qodiriy, Oʻtgan kunlar

Bizni haqorat qilib savayotgan kishi shu yerlarning egasi, mashhur Azim puchuq degan boy ekan. — Gʻ. Gʻulom, Shum bola

3. Bolalarga nisbatan erkalash, suyish maʼnosida qoʻllanadi.

Puchuq qizim, muncha shirinsan.

Kichik Telman, sal puchuqqina, qoragina, oʻzi shoʻxgina. — Mirtemir, Asarlar

4. Joʻmragi singan yoki uchgan.

Puchuq choynak.

Boyagi gapni ayt, deyapman! Sen puchuq obdasta oʻlgurga kim qoʻyibdi birovlarning ishiga aralashishni? — S. Ahmad, Choʻl shamollari

5. koʻchma Yapasqi, uchi kemtik (poyabzal haqida).

Puchuq etik,

Oyoqlarida kavush oʻrniga puchuq kalish. — Yoshlik

ot ayn. Puchak.

Puchaki chigit. Puchaki pul. Puchaki gap. Puchaki odam.

ot ayn. Puch 1.