ot 1. Bajarilgan ish, xizmat uchun qilingan sarf-xarajat va toʻlanadigan haqning hisobi.
Shu kungacha baʼzilarning haqiga xiyonat qilindi. Hisob-kitobda ular oʻz haqlarini talab etadilar. — Mirmuhsin, Meʼmor
— Shartnomani bajardik, xoʻjayin, endi hisob-kitob — dedi sekingina. — J. Sharipov, Xorazm
Qutbiniso boyning hisob-kitobini tinglab, nihoyat, besh qadoqcha xashaki oʻrik undirib qaytadi. — P. Tursun, Oʻqituvchi
2. Kirim-chiqim, daromad va xarajatlar hisobini qilish; hisoblash.
Mirhosil daryo boʻyidagi brezent chodirda yolgʻiz choʻt qoqar, hisob-kitob bilan mashgʻul edi. — H. Gʻulom, Mashʼal
3. Shunday hisob ishlarini olib borish va qayd etish, shuningdek, qayd etilgan hujjat.
Hisob-kitob ishlaridagi chatoqliklari tufayli buxgalter Mayusuf ishdan boʻshab ketdi. — Mushtum
Jamoaning hisob-kitob ishlarini olib borishga sizday oʻqimishli kishilar kerak. — H. Gʻulom, Mashʼal
4. Umuman, biror narsa haqida olib borilgan ishlar hisobi, hisob natijalari.
Hisob-kitoblarga koʻra bunday chiqindilar miqdori 1980 yilga borib yiliga 30 million tonna, Oʻzbekistonda esa Olmaliq, Samarqand va Qoʻqondagi oʻgʻit zavodlari chiqindisi sakkiz million tonnani tashkil etadi. — Fan va turmush
5. koʻchma Oʻzaro munosabat, uni bir yoqli qilish.
Ruhingiz shod boʻlsin, qurbon boʻlganlar, Keldi yov-la hisob-kitob onimiz. — V. Zohidov, Hayotbaxsh badiiyat taronalari
Bolsheviklar bilan hisob-kitobni tugatamiz! — N. Safarov, Tanlangan asarlar
- Hisob-kitob qilmoq Shunday hisobni amalga oshirmoq, hisoblamoq. Qiz mashinadan tushib, shofyor bilan hisob-kitob qilayotib, kulib qoʻydi. — Shuhrat, Jannat qidirganlarQarasa, kabobpaz yigit: — Hisob-kitobni qiling-u, ulfatingiz bilan daf boʻling, — deb turibdi. — Guldasta
- Hisob-kitob qilmoq 1. Bir yoqli qilmoq, hisoblashmoq. Dushman bilan hisob-kitob qiladigan vaqt yetdi;Munira tugʻuruqxonadaligida Ahmad ishxonasiga borib, uzil-kesil hisob-kitob qilib keldi. — F. Musajonov, Himmat
- Hisob-kitobini olmoq Mahkamovning otpuskasi tugashi bilan unga hisob-kitobingni ol, deyishdi. — Mushtum