Hayot Foundation loyihasi
Loyiha haqida
Oʻz
Oʻz

Qidiruv

«tax» boʻyicha 109 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha Fransuzcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Turkcha

← Barcha natijalar

Lugʻat maqolalari

109 ta · 1-sahifa / 6
tax
Izohli lugʻat · yana 5 ta lugʻatda

ot 1. Dazmol urilgan yoki taxlangan narsaning tekis qayrilgan, bukilgan joyi, chizigʻi.

Doʻppining taxi. Taxini yozmoq. Dazmol urib, taxini tekislamoq. Dazmollab, shimga tax solmoq. Taxtakachlab, doʻppining taxini chiqarmoq.

Kelin choy quya turib, koʻzi taxi ochilmagan doʻppiga tushdi. sevinch bilan uni qoʻliga oldi, minnatdorchilik bildirdi. Oydin, Mardlik — mangulik.

Dilshod xat taxini ochdi. — M. Ismoiliy, Fargʻona tong otguncha

2. Terib, taxlab qoʻyilgan narsa yoki uning har bir taxlami.

Bir tax pul.

  • Taxiga solmoq Bukilgan, qayrilgan joyidan qayta bukib, yana asliday qilib tax-lab qoʻymoq. [Kumush] Koʻz yoshini duv-duv toʻkib, xatni oʻz taxiga soldi va oʻzidan javob kutib turgan achasi bilan onasiga dedi. — A. Qodiriy, Oʻtgan kunlar
  • Tax urmoq Zih chiqarib taxlab, yigʻib qoʻymoq (kiyim, oʻrin-koʻrpa va shu kabilarni). Doʻppiga tax urmoq. Oʻrin-koʻrpalarni sandiq ustiga tax urmoq.
  • Taxi buzilmagan 1. Yangi, kiyilmagan, tutilmagan. Kimsan taxi buzilmagan katta kostyumining yengini osiltirib, koʻchada yolgʻiz turar ekan, oʻziga-oʻzi kulgili koʻrinib ketdi. — A. Muxtor, TugʻilishOna taxi buzilmagan koʻrpachalarni tashlab, ayvonga joy qildi. — N. Yoqubov, HavasTaxi buzilmagan pul.Keng paxtazor maydonida paxta chunonam boʻlibdiki, qancha terilsa ham, taxi buzilmaganday. — H. Nazir, OlmosUyga berilgan topshiriqlar taxi buzilmasdan turgan edi. — H. Nazir, Yonar daryo
Toʻliq maqola →
taxi inglizcha

Transparent Asynchronous Transmitter/Receiver Interfaceruschaпрозрачный асинхронный интерфейс приема/передачиoʻzbekchaqabul qilish/uzatishning shaffof asinxron interfeysi

Toʻliq maqola →
taxt
Izohli lugʻat · yana 7 ta lugʻatda

ot 1. Rasmiy qabul va boshqa tantanali marosimlarda shoh, xon va amir oʻtirishi uchun saroy toʻriga oʻrnatilgan, maxsus bezatib ishlangan joy, hashamatli oʻrindiq.

Xon taxtda edi. Ung taraf kursida Abdurahmon oftoba-chi va soʻlda shoir mulla Niyoz domla qoʻl bogʻlab oʻtirar edilar. — A. Qodiriy, Mehrobdan chayon

Shayboniyxon u bilan taxt ustidan tushmasdan soʻrashdi. — P. Qodirov, Yulduzli tunlar

Abusaid toʻppa-toʻgʻri Arkka koʻtarilib, katta hovlidagi qadimiy taxtga oʻtirdi. — Mirmuhsin, Meʼmor

2. Podshoh, xon, amir lavozimi; podshoh-lik, xonlik, amirlik.

Agar kushoyishi koringizni berib, taxt Jahongir mirzoga oʻtsa, siz uning eng ishongan rahnamosi boʻlursiz. — P. Qodirov, Yulduzli tunlar

Zulm, taxtga qarshi isyon Sharq koʻksida toʻlib toshdi. — Gʻayratiy

3. koʻchma Mansab, lavozim (oʻrni).

Taxtda yolgʻiz boʻlishni, barcha ogʻziga tikilib oʻtirishini istardi Qayumxon. — F. Musajonov, Himmat

  • Taxtga chiqmoq (yoki oʻtirmoq, minmoq) 1. Shoh, xon yoki amir lavozimiga koʻtarilmoq, hokimiyat tepasiga chiqmoq. Aslida bu otni Ulugʻbek mirzo Samarqand taxtiga chiqqan paytida Buxoro begi tuhfa etgan edi. — Mirmuhsin, Meʼmorbir kuni odil bir amirzoda Xuroson taxtiga oʻtirgach, zolimni jazolaydi, deb oʻylardi. — Mirmuhsin, MeʼmorXalilovning texnikasi, Xalilovning oʻzi ham eskirib qolgan emish. Sen qoch, men chiqaman taxtingga, degani emasmi bu tirmizakning. — I. Rahim, Ixlos
  • Taxtdan tushmoq (yoki yiqilmoq) 1. Shohlik, xonlik, amirlik lavozimidan ajralmoq, hokimiyat tepasidan tushmoq. Haydar ota shaharga borgan edi, oq poshsho taxtdan tushdi degan gapni eshitib qoldi. — A. Qahhor, Asror boboYaxshisi, oʻsha kuni, oshpazlik taxtidan tushgan kuning, oʻzingni osib qoʻya qolsang ham boʻladi. — Shuhrat, Shinelli yillar
Toʻliq maqola →
taxir
Izohli lugʻat · yana 4 ta lugʻatda

sft. 1. Taʼmi ogʻizni burishtiradigan; kakra, talxa.

Taxir dori. Taxir shaftoli.

Uning [Salimboyning\ keng qora qoshli, qoʻy koʻzli, peshonasi serajin choʻziq yuzi xuddi taxir bir nima yegandek burishdi. — S. Abduqahhor, Sanamay sakkiz dema

Meva gʻoʻraligida taxir boʻladi, yegan kishining labini qizdiradi. — Fan va turmush

2. koʻchma Dagʻal, badhazm (gap, soʻz, muomala va shu kabilar haqida).

Taxir gap.

Xaridorlar sotuvchidan taxir soʻz eshitmaslik uchun indamay chiqib ketishdi. — Mushtum

  • Taxirini chiqarmoq Sharmanda qilmoq, izza qilmoq; pachavasini chiqarmoq. vaqti kelib, hovuridan tushib qolar, deb oʻziga sabr berib, erining taxirini koʻchaga chiqarmadi. — R. Rahmon, Qiz — aziz farzand-ku!Ammo soʻkaverib, bir-ikkita vakilning taxirini chiqarib yubordi. — Mushtum
Toʻliq maqola →
taxta
Izohli lugʻat · yana 6 ta lugʻatda

ot 1. Xodadan uzunasiga tilib olingan yassi yogʻoch boʻlagi.

Qaragʻay taxta. Taxtani randalamoq.

Birinchi xonaga kiraverishda uzun enli taxta qoʻyilibdi. — S. Siyoyev, Yorugʻlik

Gʻulomjon daladagi terakzorlaridan toʻrtta baqaterakni kestirib, taxta tildirdi. — M. Ismoiliy, Fargʻona tong otguncha

2. Boʻr bilan xat yozish uchun maxsus yasalgan maktab-oʻquv quroli.

Xonada oʻntacha eski, chang bosgan parta, kiraverishdagi devorga kattakon qora taxta qoqilgan edi. — P. Tursun, Oʻqituvchi

Bolalarda daftar-u qalam, sinfda taxta-yu boʻr boʻlsa ham, oʻqish kitoblarining yoʻqligi Gʻulomjonni yomon dilxun qilar edi. — M. Ismoiliy, Fargʻona tong otguncha

3. tar. Abjad yozilgan dastali taxtacha (eski maktabda oʻquv quroli sifatida ishlatilgan).

Ikki hafta harflar yozilgan taxta oʻqiganimdan keyin domla: — Shanba kuni haftiyakka tushasan — dedi. — A. Qahhor, Oʻtmishdan ertaklar

4. Turli maqsadda foydalanish uchun taxta, faner va shu kabilardan ishlangan narsa.

Shaxmat taxtasi. Eʼlonlar taxtasi. Yodgorlik taxtasi. Osh taxta,

Men uni tennis taxtasiga boshlab, oʻzimcha oʻyin qoidasini tushuntirgan boʻldim. — H. Nazir, Yonar daryo

Turli voqelik va yangiliklarni yoyishda shior va plakatlar, tematik stend va koʻrsatkich taxtalari alohida oʻrin tutadi. — Gazetadan

5. Turli oʻlchamdagi toʻrt burchak yaxlit qogʻoz, varaq.

Qoching! Oʻzim yozaman, dedim. Oʻtirib, yetti taxta qogʻozni toʻldirdim, eshitganlarimning hammasini yozdim. — Oydin, Sadagʻang boʻlay, komandir

Anavi qutida yaxshi, koʻk chiziqli taxta qogʻoz bor, oʻshandan ikki varagʻini olib, mana bu yerga oʻtir, qizim [dedi Onaxon]. — A. Muxtor, Opa-singillar

6. Shu taxlitdagi, oʻlchamdagi oyna, tosh, metall va shu kabilar; plita.

Marmar taxta. Bir taxta tunuka. Bir taxta oyna. Taxta choy.

Maydonning bir chekkasidagi keksa majnuntol ostida bir-biriga suyab qoʻyilgan ikkita qora tosh taxta sagʻana shaklini olib turar edi. — A. Qahhor, Xotinlar

Chetroqqa chiqib, beton taxtaga oʻtirdim. — S. Siyoyev, Yorugʻlik

7. q. x. Marza bilan ajratilgan yer boʻlagi; karta.

Ikki taxta poliz. Tuyaning hazili bir taxta gʻoʻzani yeydi. — Maqol

Soyga tushguncha koʻndalang egatli alohida taxta boshlanadi. — A. Qodiriy, Obid ketmon

Ochilgan yerni katta-katta taxta Qilib, ish boshladi ekmakka paxta. — Habibiy

  • Taxta boʻlib qolmoq yoki taxtaday qotib qolmoq Qoʻrquv yoki hayratdan tong qotib qolmoq, hayron boʻlib qolmoq. Mezbon, u bilan ikki-uch ogʻiz gapirishdi-da, bilmadim, nima sir oʻtdiki, turgan yerida taxta boʻlib qoldi. — A. Qahhor, SarobMaymun tilkalangan qurbonini koʻtarib, derazada koʻringan-da, matros taxtaday qotib qoldi. — Fan va turmush
  • Taxtaga olmoq (yoki tortmoq) Siquv holatiga olmoq, iskanjaga olmoq. Gʻiyosiddin qiziq holga tushdi. Oqsoqol uni ikki modda bilan taxtaga tortib, til-jagʻini bogʻlab qoʻygan edi. — S. Ahmad, HukmOqsoqol koʻrsa, meni taxtaga torttiradi, seni raisga topshiradi. — S. Siyoyev, YorugʻlikRisolatoyni avval taxtaga olib qarasam, Rustambek bilan ikkovining orasida ozgina elchiligi bor ekan. — Hamza, Paranji sirlari
Toʻliq maqola →
taxlam
Izohli lugʻat · yana 2 ta lugʻatda

ot Terib, taxlab qoʻyilgan narsa va uning har bir toʻpi.

Bir taxlam kitob.

Zokir Usmon ichkari uydan eski gazetalar taxlamini olib chiqdi. — Yoshlik

Toʻliq maqola →
taxlil

analysis

  • daromad va chiqimlar tahlili income-expenditure analysis
  • ilmiy tahlil scientific analysis
  • iqtisodiy samaradorlikni aniqlovchi tahlil cost-effectiveness analysis
  • moliyaviy holat tahlili financial analysis
  • obyektiv tahlil objective analysis
  • takliflar tahlili demand analysis
  • tanqidiy tahlil critical analysis
  • xalqaro vaziyat tahliliga ilmiy yondashmoq take a scientific approach in analyzing the international situation
  • xalqaro rivojlanish tahlili analysis of international development
  • xoʻjalik faoliyatining yillik tahlili annual audit
  • chuqur tahlil profound analysis
  • hozirgi vaziyat tahlil analysis of the present situation
Toʻliq maqola →
taxlit
Izohli lugʻat · yana 6 ta lugʻatda

ot 1. Koʻrinish, shakl, qiyofa.

Odam taxlitidagi maymun. Aka-uka quyib qoʻygandek bir taxlitda.

Baʼzi joyda kvadrat aniq, baʼzi joylarda taxliti ham yoʻq. — I. Rahim, Ixlos

Har qadamda nuragan, xaroba devorlar koʻp uchraydi. Bu qishloqning taxliti ana shunday edi. — Yo. Xaimov, M. Rahmon, Hayot-mamot

Nonni ishtahasiz tishlar, miskarlar to-monidan samovar taxlitda yasalgan qumgʻondan choy quyar edi. — Oybek, Tanlangan asarlar

2. Ayrim soʻzlar va koʻrsatish olmoshlari bilan qoʻllanib, usul, yoʻsin, tarz maʼno-sini bildiradi.

Ish taxliti. Yurish-turish taxliti.

Shu taxlit yuk tugaguncha terlab ishlashdi. — Yoshlik

Ularning turmushi shodlik ham koʻrmay, achchiq-chuchukni ham sezmay, shunchaki bir roʻzgʻor tebratish taxlitida oʻtdi. — I. Rahim, Ixlos

Xachirga minib, siz bilan bir taxlitda boraman. — Latifalar

3. koʻm. vzf. Oʻxshatish, qiyos bildiradi; kabi, singari.

Bu taxlit chistoniy baytlar qadimda ham oliy hazratning istaklari ila bitilur edi. — S. Siyoyev, Avaz

Ollo niyatingizni bersin! — dedi oʻzini ulugʻvor va yuksak mansabdor taxlit tutib. — Shuhrat, Oltin zanglamas

Toʻliq maqola →
taxmin
Izohli lugʻat · yana 8 ta lugʻatda

ot Oʻylab, chamalab, moʻljallab yoki qandaydir mulohaza va shu kabilarga asoslanib qilingan faraz, chama.

Taxmini toʻgʻri chiqdi.

Ana shundan keyin odamlardan biri oʻz taxminini soʻzlay ketdi. — M. Ismoiliy, Fargʻona tong otguncha

Koʻrgan zahotim, oʻzbek qizimikan, degan edim, taxminim toʻgʻri chiqdi. — Oydin, Suhbati jonon

Ziyodillaning taxminicha, Komil afandi Boʻronbekning uyiga yetib kelgan va agar kelmagan boʻlsa ham, hozir yetib kelishi kerak. — H. Gʻulom, Mashʼal

  • Taxmin qilmoq Deb oʻylamoq, faraz qilmoq, oʻylamoq. Abdumajidlar, Zarif ota taxmin qilganidek, oʻn ikkidan ancha oshgan-da kelishdi. — Oʻ. Usmonov, Sirli sohilBozorga sabzi-piyozmi yo kartoshka olib kelib, bola-chaqalariga kiyim-kechak qilib ketayotgan dehqon boʻlsa kerak, deb taxmin qildi. — S. Anorboyev, Oqsoy
Toʻliq maqola →
taxmon
Izohli lugʻat · yana 1 ta lugʻatda

ot Uy yoki ayvon devorida: sandiq oʻrnatib, ustiga oʻrin-koʻrpa yigʻib qoʻyiladigan tokchasimon maxsus joy.

Uyning toʻrida ikkita taxmon. Taxmonga oʻrin yigʻmoq.

Xoldorxon taxmondan koʻrpacha olib yozdi. — S. Zunnunova, Gulxan

Shahzodaxon bir nozik shox tashlab shohi atlas koʻrpa-koʻrpachalar toʻla taxmonga bordi — K. Yashin, Hamza

Toʻliq maqola →
taxurar

ot etn. Oʻgʻil toʻyiga atab tikilgan koʻrpa-toʻshaklarni taxmondagi sandiq ustiga koʻz-koʻz qilib yigʻishga — tax urishga bagʻishlangan, faqat xotin-qizlar ishtirokida oʻtkaziladigan kichik toʻy marosimi.

Toʻliq maqola →
taxallus
Izohli lugʻat · yana 7 ta lugʻatda

ot Biror ijodkor (shoir, yozuvchi, rassom, olim va shu kabilar) yoki siyosiy arbobning oʻzi uchun tanlab olgan boshqa, ikkinchi nomi.

Men — Yusufiyman, taxallusim — Oʻtkir. — Sh. Rashidov, Boʻrondan kuchli

Muhammad Rahim, tabiatan muzika va adabiyotga havaskor boʻlib, Feruz taxallusida sheʼrlar yozgan. — J. Sharipov, Xorazm

Toʻliq maqola →
taxation inglizcha

tækʼseiʃn

1. oʻzbekchasoliq solish, soliqqa tortishruschaобложение налогом, на- логообложение

2. oʻzbekchasoliq hajmiruschaразмер налога

3. oʻzbekchasoliqdan tush- gan daromad, foydaruschaдоход от налого- обложения

Toʻliq maqola →
taxlamoq
Izohli lugʻat · yana 5 ta lugʻatda

fl. 1. Buklab, taxiga solib qoʻymoq; buklab, taxiga solib joylamoq.

Onam ustimdan choponimni yechib olib, taxlab qoʻyibdilar. — E. Raimov, Ajab qishloq

Men shamshod xivichidan toʻqilgan buklama kursichamni taxladim. — Guldasta

Xotin indamadi, roʻ(y)jani taxlab, stolning ustiga surib qoʻydi. — A. Qahhor, Asarlar

2. Ustma-ust termoq, ustma-ust qoʻyib joylamoq.

Tatar ayol kitoblarni bir chekkaga taxlardi. — Oʻ. Hoshimov, Qalbingga quloq sol

Ota chaylaning toʻriga taxlab qoʻyilgan koʻrpalar ustidagi yostiqqa ishora qildi: — Hech uyalib-netib oʻtirma. — S. Anorboyev, Oqsoy

3. koʻchma Ust-ustiga, ketma-ket keltirmoq, qoʻshmoq, qalashtirmoq(gap-soʻz va shu kabilar haqida).

Keyin birinchi navbatda nima ishlar qilish kerakligini taxlab tashladi. — J. Abdullaxonov, Toʻfon

Maktab direktori Soat Pochinov., birpasda talay gapni taxlab tashladi. — Gazetadan

bahona taxlab tashlayotgan Javhardan Rasuljonning jahli chiqdi. — J. Abdullaxonov, Xonadon

Toʻliq maqola →
taxminan
Izohli lugʻat · yana 6 ta lugʻatda

Taxminga koʻra; chamalab, taxmin qilib olganda (aytganda, koʻrganda).

Ular bir-biridan taxminan bir yosh-bir yarim yosh farq qiladi. — F. Musajonov, Nozik masala

Qamchi oxirgi marta qatorasiga oʻq otilgan joyni taxminan moʻljalga olgan boʻlsa ham, toʻqayga kirganda, moʻljaldan adashdi. — H. Gʻulom, Mashʼal

Toʻliq maqola →