taxlit

ot 1. Koʻrinish, shakl, qiyofa.

Odam taxlitidagi maymun. Aka-uka quyib qoʻygandek bir taxlitda.

Baʼzi joyda kvadrat aniq, baʼzi joylarda taxliti ham yoʻq. — I. Rahim, Ixlos

Har qadamda nuragan, xaroba devorlar koʻp uchraydi. Bu qishloqning taxliti ana shunday edi. — Yo. Xaimov, M. Rahmon, Hayot-mamot

Nonni ishtahasiz tishlar, miskarlar to-monidan samovar taxlitda yasalgan qumgʻondan choy quyar edi. — Oybek, Tanlangan asarlar

2. Ayrim soʻzlar va koʻrsatish olmoshlari bilan qoʻllanib, usul, yoʻsin, tarz maʼno-sini bildiradi.

Ish taxliti. Yurish-turish taxliti.

Shu taxlit yuk tugaguncha terlab ishlashdi. — Yoshlik

Ularning turmushi shodlik ham koʻrmay, achchiq-chuchukni ham sezmay, shunchaki bir roʻzgʻor tebratish taxlitida oʻtdi. — I. Rahim, Ixlos

Xachirga minib, siz bilan bir taxlitda boraman. — Latifalar

3. koʻm. vzf. Oʻxshatish, qiyos bildiradi; kabi, singari.

Bu taxlit chistoniy baytlar qadimda ham oliy hazratning istaklari ila bitilur edi. — S. Siyoyev, Avaz

Ollo niyatingizni bersin! — dedi oʻzini ulugʻvor va yuksak mansabdor taxlit tutib. — Shuhrat, Oltin zanglamas

1. Tashqi koʻrinish, qiyofa.DIŞ GÖRÜNÜM

2. Usul, tarz, yoʻsin.YOL, YÖNTEM

maymun taxlitобезьянообразный. вид, форма, облик

n form, image, shape

1. kórinis, forma, sıqıl

2. usıl, jol, taqılette

Form f, Gestalt f

Qay taxlitda? Auf welche Art?

ruschaвид, образ, внешностьinglizchaway, view, image, appearance, mannerfransuzchaforme, aspect, manière, stylearabchaشَكْلٌ (أَشْكَالٌ)