Проект Hayot Foundation
О проекте
Ру
Ру

Поиск

По запросу «saqlan» — результатов: 31

Фильтр
Раздел
Словари Сказки Диалекты
Тип словаря
Толковый Переводной Терминологический Фразеологический
С языка
Узбекский Английский
На язык
Узбекский Русский Английский Каракалпакский Немецкий Турецкий

← Все результаты

Словарные статьи

31 · страница 1 из 2
saqlamoq

fl. 1. Ehtiyot qilmoq; ehtiyotkorlik bilan (biror joyda) asramoq, asrab-avaylab ishlatmoq.

Sandiqda pul saqlamoq. Omborda qish uchun gʻalla saqlamoq.

Mahsini uch kun hayitda kiyib, saqlab qoʻygandim, ana uni pullab, tagcharm olamiz. — Oybek, Tanlangan asarlar

Mana, oʻshal nafis gulingni Kitobimda saqladim bir yil. — T. Toʻla

butun orttirganini tishining kovagida saqlab toʻplaydi-da, bir jiyron qashqa ot oladi va dovondan soʻnggi marta ot minib oʻtadi. — P. Tursun, Oʻqituvchi

2. Tashqi taʼsirdan muhofaza qilmoq; aynish, buzilish-yorilish, nest-nobud boʻlishdan, barbod boʻlishdan asramoq, ehtiyot qilmoq.

Oilani saqlab qolish uchun, farzandlarim uchun harakat qildim, lekin iloji boʻlmadi. — Gazetadan

Archa togʻ yonbagʻirlaridagi tuproqni suv va shamol eroziyasidan saqlaydi. — Gazetadan

3. Ehtiyot qilib, asli holati, xususiyati yoki koʻrinishini oʻzgarishsiz olib qolmoq.

Kampir xolamiz bu sandiqlarda eng oldin behi saqlagan boʻlsa ajab emas. — X. Toʻxtaboyev, Shirin qovunlar mamlakati

Layloning onasi. elliklardan oshgan, lekin hali ham oʻzini yaxshi saqlagan, zuvalasi pishiq ayol ekan. — M. Qoriyev, Oydin kechalar

Fikrimizcha, har qanday sharoitda juftlik xususiyatini saqlagan juft soʻzlar lugʻatlarda berilishi lozim. — OʻTA

4. Biror kimsaga atab yoki biror maqsad uchun (buyum yoki yemishlarni) asrab qoʻymoq.

Bularni kimga saqlab qoʻyibsiz?

Suluvning miyasiga bir fikr kelib, mixday sanchildi: otasi eng soʻnggi kuchini faqat qasos uchun saqlab olib kelgan. — A. Muxtor, Qoraqalpoq qissasi

Men unaqa kek saqlaydiganlardan emasman. — S. Ahmad, Hukm

5. Himoya, muhofaza, gʻamxoʻrlik qilmoq, qoʻriqlamoq.

Davlat chegaralarini saqlamoq. Xalqlarning tinchligini saqlamoq.

Bugungi kunda insoniyat oldida nihoyatda muhim muammo turibdi, u ham boʻlsa, yer yuzida tinchlikni saqlab qolish. — Gazetadan

Tabiatni muhofaza etish, hayvonot dunyosini saqlash hozirgi davrda muhim ahamiyatga ega. — Gazetadan

6. Xalos qilmoq, qutqarmoq; omon qoldirmoq.

Oʻlimdan saqlamoq. Halokatdan saqlamoq.

Mening burchim — oʻlayotgan odamning oldida boʻlish, — dedi u, — ehtimol, uning jonini saqlab qolarman. — K. Yashin, Hamza

Shunda Qilichqora aytibdi: — Ajdardan elni saqlaydigan mard topiladimi? — Ertaklar

7. Biror xatti-harakatdan qaytarmoq, toʻxtatib qolmoq, tiymoq.

Yomon soʻzdan saqla doim tilingni. — Nurali

8. Rioya qilmoq, muayyan holatga amal qilmoq; sukut saqlamoq.

Tartib-odob, intizom saqlamoq.

Juvon oʻzini tartibga solib boʻlguncha, joyidan qimir etmay, odob saqlab turardi. — J. Abdullaxonov, Xonadon

9. Belgi, iz, nishona olib qolmoq.

Saqlab qopti odam izlarin Bu togʻlarning musaffo qori. — Sh. Rahmon

Bu osori atiqalar oʻzida oʻtmish nafasini saqlab qolgan. — Gazetadan

Har bir oʻtkinchining qiyofasini yodda saqlab qolish uchun butun fikr-u oʻylari, idroklarini bir nuqtaga toʻplab turibdilar. — S. Ahmad, Yulduz

10. Doimiy ravishda qadrlamoq, ehtirom bilan eslamoq.

U [Alimardon] chinakam sanʼatni qalbining toʻrida saqlashga qodir boʻlgan chinakam shinavandalar ozmuncha emasligini bilmas, bilishni xohlamas edi. — Oʻ. Hoshimov, Qalbingga quloq sol

11. Asramoq, boqmoq, tutmoq.

Xizmatchi saqlamoq. Qush saqlamoq.

  • Jon saqlamoq — Qochib qolganmi? — dedilar otam, — bostirmada berkinib, jon saqlagan boʻlishi ham mumkin. — Sh. Xolmirzayev, Yoʻllar, yoʻldoshlar
  • Sir saqlamoq Biror voqea-hodisa, gap-soʻz yoki faktni oʻzgalardan yashirib yurmoq, oshkor etmaslik. Men bu sirni shu chogʻgacha ichimda saqlab kelayotgan edim, endi aytmasam boʻlmaydi. — A. Qahhor, Qoʻshchinor chiroqlariHatto ota-onasidan ham sir saqlagan bir yigitning oʻz oʻgʻlim boʻlib chiqqani menga qiziq koʻrinadir. — A. Qodiriy, Oʻtgan kunlar
  • Xudo saqlasin Sira koʻrsatmasin; boshga tushmasin; aslo, hech qachon. Odamlarning yuziga qaray olmaydigan boʻlib qolishdan xudo saqlasin. — T. Ashurov, Oq ot
  • Esda (yoki yodda, xotirada) saqlamoq Yodda tutmoq, esdan chiqarmaslik, unutmaslik.
  • Oʻz qoʻlida saqlamoq Oʻz qoʻlida, ixtiyorida, amrida tutib turmoq. Hokimiyatni oʻz qoʻlida saqlamoq.
Полная статья →
saqlanadigan amal

Maʼlumotlar bazasining obyekti boʻlib, bir marta kompilyatsiya qilinadigan va undan keyin serverda saqlanadigan SQL yoʻriqnomalar yigʻimidir. Saqlanadigan amallar yuqori pogʻona tillarining oddiy amallariga oʻxshaydi, ularda kirim va chiqim parametri va lokal oʻzgartiruvchanlar boʻlishi mumkin, sonlar va belgilar ustida hisoblash va operatsiyalar oʻtkazilishi mumkin. Natijalar oʻzgartiruvchan va parametrlarga oʻzlashtirilishi mumkin. Saqlanadigan amallar ichida maʼlumotlar bazalari bilan oddiy operatsiyalar bajarilishi mumkin.английскийstored proceduresрусскийхранимая процедура

Полная статья →