Hayot Foundation loyihasi
Loyiha haqida
Oʻz
Oʻz

Qidiruv

«oydek» boʻyicha 248 ta natija

Filtr
Boʻlim
Lugʻatlar Ertaklar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha

← Barcha natijalar

Lugʻat maqolalari

248 ta · 1-sahifa / 13
oy
Izohli lugʻat · yana 8 ta lugʻatda

ot 1. astr (O — katta). Quyoshdan nur olib, yogʻdu sochuvchi samoviy jism, Yerning tabiiy yoʻldoshi.

Oʻn toʻrt kunlik oy. Toʻlin oy. Oy nuri. Oy chiqdi. Oy botdi. Oyning yuzidagi dogʻlar. Oyning Yer atrofida aylanishi.

Oyni etak bilan yopib boʻlmaydi. — Maqol

Kechki gullar ochilib turibdi. Koʻkda tanho oy kezmoqda. — I. Rahim, Chin muhabbat

2. Astronomik yilning oʻn ikkidan biriga — Oyning Quyosh atrofidan bir marta aylanib chiqish muddatiga yaqin vaqt oraligʻi; oʻlchov birligi: 28, 29 30 yoki 31 kunlik davr.

Oy boshi. May oyi. Bir yil — oʻn ikki oy. Bu orada uch oy oʻtdi. Yoz oylari ham oʻtib ketdi. Oyning oʻn beshi qorongʻi boʻlsa, oʻn beshi yorugʻ. — Maqol

Oʻgʻlim bechora oy oʻtmasdan boʻzchining mokisidek qatnab tursa. — A. Qodiriy,Oʻtgan kunlar

3. Uch-toʻrt kunlik oy shaklidagi bezak yoki belgi.

Mezana ustidagi oy.

4. Ayollar ismi tarkibiga kiradi yoki ayollar nomiga qoʻshilib, erkalash, hurmatni bildiradi.

Oyposhsha, Oyqiz, Oytoʻti, Oynisa; Tursunoy. Shirmonoy, Qunduzoy.

  • Oy yuz Chiroyli yuz, goʻzal yuz. Oy yuzing qora chimmat zulmidan qutultirgʻil. Chiq qorongʻi turmushdan, nur ichinda javlon qil. Hamza. Oy desa — oyga, kun desa kunga oʻxshaydi Juda goʻzal, juda ham chiroyli.
  • Oydan oy, kundan kun oʻtib Ancha vaqt oʻtib. Oydan oy, kundan kun oʻtar daryodil, Menga tanho boʻlgan sen yoʻqsan mohim. — Habib Abdunazar, Anjir guli.
  • Oy-kun(lar) oʻtib Vaqti, umri, hayoti kechib. Shu yoʻsin oromsizlik va besaranjomlik ichida [Otabekning] oy-kunlari oʻtib turar edi. A. Qodiriy, Oʻtgan kunlar.
  • Oy borib, omon kel Safarga ketayotgan kimsaga yaxshilik tilab aytiladigan ibora, oq yoʻl tilash. U[Elmurod] yoʻlda ketar ekan Oy borib, omon keling! deb, oq yoʻl tilab qolgan Gulsumni hiylagacha oʻylab yotdi. — P. Tursun, Oʻqituvchi
  • Oy koʻrmoq Hayz koʻrmoq.
  • Oyi toʻldi Tugʻish vaqti yetdi. Kumushning oyi toʻlmasdanoq, u [onasi] beshik yasatish bilan mashgʻul edi. — A. Qodiriy, Oʻtgan kunlar
  • Oykuni yaqin Tugʻish arafasida, oldida.
Toʻliq maqola →
oyi
Izohli lugʻat · yana 5 ta lugʻatda

ot Ona.

— Bir ozdan keyin chiqib, oyim bilan soʻrashing, — dedi Kumush. — A. Qodiriy, Oʻtgan kunlar

— Oyijon, siz hech tashvish tortmang, charchadim, xolos, — javob berdi Nuri. — Oybek, Tanlangan asarlar

  • Katta oyi 1. Ota yoki onaning onasi; Yoʻlchi pishqirgan otini toʻxtatib, qichqirdi: — Katta oyi, yigitchalarni xursand qiling! — Oybek, Tanlangan asarlar
  • Kelin oyi
  • Kichik oyi
Toʻliq maqola →
oyat
Izohli lugʻat · yana 2 ta lugʻatda

ot din. Qurʼon suralarining har bir jumlasi, har bir bandi.

Mehroblar tepasiga xatti shikasta xati bilan oyat yozilgan. — Mirmuhsin, Ildizlar va yaproqlar

Baʼzilar choʻkkalab oʻtirib olib, oʻzlari bilgan oyatni tilovat qilmoqda. — M. Muhammadjonov, Turmush urinishlari

Qurʼoni karimda Od qavmi toʻgʻrisida juda koʻp oyatlar nozil qilingan. — Gazetadan

Toʻliq maqola →
oʻyin
Izohli lugʻat · yana 6 ta lugʻatda

ot 1. Koʻngil ochish, dam olish, tarbiyalash maqsadida qilinadigan erkin harakat yoki mashgʻulot.

Bolalar oʻyini.

Koʻcha tutash balchiq boʻlganidan bolalarning oʻyini tugul, yurishiga ham imkon yoʻq edi. — Oybek, Tanlangan asarlar

keng maydonda shovqin-suronli qish oʻyinlari: baland tepadan sirpanishlar, dumalashlar, chenalarda uchishlar — Oybek, Tanlangan asarlar

2. Boshqalar bilan musobaqa qilish uchun maʼlum qoidalar asosida oʻtkaziladigan mashgʻulot.

Futbol oʻyini. Shaxmat oʻyini. Estafeta oʻyinida qizlar komandasi yutib chiqdi.

Jon-dilim futbol emasmi, qizni ham unutib, butun xayolim oʻyinda boʻlib qoldi. — Gazetadan

3. Oʻrtaga pul yoki narsa tikib oʻtkaziladigan mashgʻulot; qimor.

Otam oʻyin qizigʻida yutqazishga yutqazib qoʻyib, keyin oʻzini urdi, peshonasini yordi, yigʻladi. — M. Ismoiliy, Fargʻona tong otguncha

4. Ritmik harakatlar va mimikalar uygʻunligidan iborat sanʼat; raqs.

Oyoq oʻyini. Shoʻx oʻyin. Kavkazcha oʻyin.

Oʻyin ham bir turli nazokat kasb etib, Gulsunbibi yoʻrgʻalay ketdi. — A. Qodiriy, Oʻtgan kunlar

5. koʻchma Parvoz vaqtida shox urib (tash-lab) qilinadigan yengil, yoqimli harakat.

Kabutar oʻyini.

6. s. t. Spektakl, konsert, sirk tomoshasi va shu kabilar

Bular teatrning oldiga kelganlarida, oʻyin boshlanishiga uchinchi qoʻngʻiroq ham berilgan edi. — Oydin, Fonar tagida

7. koʻchma Betartib, biroq oʻziga xos jozibali harakat (hayvon va narsalar haqi-da).

Shabada oʻyini.

Gʻazab bilan hayqirib boʻron, Balki qilar ming turli oʻyin. — Gʻayratiy

Baliqlarning bunday oʻyinini endi koʻrib turgani!\. — Nazir, Soʻnmas chaqmoqlar

8. koʻchma Ermak tarzidagi harakat, qiliq va shu kabilar

Achchiq oʻyin shirin turmushni buzar. — Maqol

Har holda, taqdirning bunchalik oʻyinlari turgan bir zamonda biz nima ham qila olar edik. — A. Qodiriy, Oʻtgan kunlar

U muhabbatni oʻyin deb hisoblaydi. — S. Karomatov, Oltin qum

Xat senga oʻyin boʻlib qoldimi?! — H. Nazir, Soʻnmas chaqmoqlar

9. s. t. Unchalik qiyin, mushkul boʻlmagan ish haqida.

Qizniki — qiyin bilan, oʻgʻilniki oʻyin bilan bitar. — Maqol

10. s. t. Suyuqoyoq, buzuq ayol haqida.

  • Oʻyinga tushmoq Biror raqsni ijro etmoq. Havaskor hofizlar qoʻshiq aytdi, shoʻx yigitlar oʻyinga tushdi. — S. Yunusov, Kutilmagan xazina.
  • Oʻyin qilmoq Oʻyin, mazax tarzidagi harakat, qiliq qilmoq. — Voy yuragim, voy-voy, — deb atay yerga agʻnab, ogʻzidan oq koʻpik chiqara boshladi. Uning oʻyin qilayotganini Meʼmor sezib turardi. — Mirmuhsin, Meʼmor
Toʻliq maqola →
oʻyiq
Izohli lugʻat · yana 5 ta lugʻatda

sft. Oʻyilgan joy; chuqurlik.

Ana shu oʻyiqning oxiriga yetib, bir toʻda yovvoyi choʻchqaga duch keldim. Sh. — Xolmirzayev. Yoʻllar, yoʻldoshlar

Gʻorondara — gʻorlar darasi maʼnosida boʻlib, bu yerda qadimiy oʻyiqlar juda serob edi. — S. Karomatov, Oltin qum

Toʻliq maqola →
oyli
Izohli lugʻat · yana 2 ta lugʻatda

sft. 1. Oy chiqib, yogʻdu sochib turgan; oydin.

Oyli kecha. Oyli tun.

Baʼzan qoʻshiq tinglab qoldim oyli tunlarda. — Gʻayratiy

Tun shu qadar oyli ediki, Topilardi igna yoʻqolsa Qanday uxlar, oyli tun qizning Yuragiga hayajon solsa? — Uygʻun

2. Oy shaklidagi guli, naqshi bor.

Doʻppi tikdim chiroyli. Gullari yarim oyli. — Qoʻshiqlar

Toʻliq maqola →
oyna
Izohli lugʻat · yana 7 ta lugʻatda

ot 1. Odatda deraza, eshik koʻzlariga oʻrnatish uchun ishlatiladigan yassi shisha.

Bir taxta oyna. Deraza oynasi. Oyna zavodi. Oyna sinigʻi. Oyna kesmoq.

Tumanlangan deraza oynalarida yirik qor parchalari oq kapalakday koʻrinadi. — Oybek,Tanlangan asarlar

2. s. t. Deraza.

— Qor-ku mayli-ya, boʻroniga nima bor, — dedi blindaj oynasidan qarab turgan Normat. — I. Rahim, Chin muhabbat

— Ikki tomon togʻ — dedi Hafiza mashina oynasidan baland togʻlarga agʻrayib, — muncha chiroyli! — Mirmuhsin, Umid

3. Qarshisidagi narsalarni aks ettiradigan, odatda kishi oʻz aksini koʻradigan, orqasi sirlangan maxsus shisha; koʻzgu.

Basharang qiyshiq boʻlsa, oynadan oʻpkalama. — Maqol

Dahlizdagi oyna oldida sochlarini tarayotgan Xolisa ularga soxta jahl aralash gʻurur va bir oz mehr bilan kinoya qildi. — S. Nurov, Maysalarni ayoz urmaydi

[Zebo] Oynaga qarab, oʻzini tuzatdi. Shuhrat, — Shinelli yillar

4. koʻchma Biror holatni, hodisani aks ettirib yoki yoritib turgan narsa; koʻzgu.

Doʻst doʻstning oynasidir. — Maqol

Kundalik daftar — maktab bolasining xulq-atvorini, olgan baholarini ravshan koʻrsatib turadigan tiniq oyna. — M. Ismoiliy, Bizning roman

5. s. t. Koʻzoynak.

Oyna ortidan tikilib turgan bir juft oʻtli koʻz uning ongiga anchadan keyin yetdi. — P. Qodirov, Uch ildiz

  • Oy(i)nayi jahon 1. Jahonni koʻrsatuvchi, boshqa joylardagi narsalarni, boʻlib turgan hodisalarni koʻrsatib turuvchi afsonaviy oyna. Ilgari bolalar orzu qilardi. Boʻlsa deb oʻylardi oynayi jahon. — F. Yoʻldosheva;Xayriyatki, oynayi jahonimizning ayrim rahbarlari ijodkor xalqimizning ongi va tafakkurini koʻtarish, saviyasini oshirish zaruratini yaxshi tushunadilar. — GazetadanTantanalar oynayi jahon orqali namoyish etildi. — Gazetadan
  • Oʻzini oynaga solmoq Oʻz holatini koʻzguda koʻrmoq. Qiz oʻzini oynaga soldi. — Sharq yulduzi
Toʻliq maqola →
oyoq
Izohli lugʻat · yana 6 ta lugʻatda

rvsh. 1. 1 Odam, hayvon, qush va umuman jonli organizmlar gavdasining tayanib turishi va yurishi yoki oʻrmalashi uchun xizmat qiladigan aʼzo.

Oʻng oyoq. Chap oyoq. Ipak qurtining oyoqlari. Otning orqa va oldingi oyoqlari.

Doʻst —

boshga, dushman oyoqqa boqadi. — Maqol

Oʻng oyogʻimni koʻtarsam, chap oyogʻim yerga kirib ketayotgandek boʻlaveradi. — X. Toʻxtaboyev, Shirin qovunlar mamlakati

U [farishta] atlas koʻylak, lozim kiygan, bosh yalang, oyoq yalang, yoshgina bir yigit edi. — A. Qahhor, Mayiz yemagan xotin

Sharofat oʻziga keldi-yu, oyoq uchida borib, darchaning yoniga choʻnqaydi. — A. Qahhor, Qoʻshchinor chiroqlari

2. Stol, stul, soʻri, karavot kabi buyumlarning yerga tayanib turadigan qismi, poyasi.

Dadam suvogʻi koʻchgan devorlarga, eski shkaf, oyogʻi maymoq stullarga bir qarab qoʻydi. — S. Siyoyev, Yorugʻlik

3. Oxir, odoq.

Koʻchaning boshidan oyogʻigacha tosh terilgan.

Podachi podaning oyoq tomonidan chang yutib, elan-qaran yurib kelayotgan sigirni tayogʻi bilan koʻrsatib: Anavi seniki, dedi. — S. Anorboyev, Hamsuhbatlar

Otabek kishi orqasidan ketdi, oldinma-ketin, soʻzlashmasdangina koʻchaning oyogʻiga qarab borar edilar. — A. Qodiriy, Oʻtgan kunlar

4. Fasl, davr va shu kabilarning oxiri, tugayotgan vaqti.

Kuz kunlarining oyogʻi va qish kunlarining boshi edi. — A. Qodiriy, Oʻtgan kunlar

5. Chet, chekka; quyi tomon; etak.

Ekinzorning oyogʻi. Yerning oyogʻi.

6. Uyning, xonaning eshikka yaqin oʻrni; poygak; zid. toʻr II.

Asalxon bir toʻda qizlar bilan oyoqroqda gʻuj boʻlib turganini koʻrgan Soraxon oʻrtaga tushib, yigitlarni chaqib oldi. — H. Gʻulom, Senga intilaman

  • Oyoq bosmoq 1. Qadam tashlamoq, yurmoq. Bemor endi-endi oyoq bosyapti. U oʻng oyogʻini bosolmaydi.Saqlab sukut oyoq bosdi, Hamma jimjit, boshlar quyi. — Gʻ. Gʻulom, KoʻkanOyogʻingni bilib bos!;Odam oyoq bosmagan sahro. Siznikiga oyoq bosmaganim boʻlsin!
  • Oyoq osti (yoki oyogʻosti) boʻlmoq Toptalmoq, ezilmoq, bosilmoq, poymol boʻlmoq, bosib-yanchib tashlanmoq.
  • Oyoq osti (yoki oyogʻosti) qilmoq Toptamoq, ezmoq, bosmoq, poymol qilmoq, bosib-yanchib tashlamoq. U oʻz haqini tanigan, endi oʻzini birovga oyoq osti qildirib qoʻymaydi. — S. Ahmad, Ufq
  • Oyoq ostida 1. Yurish, qadam bosish lozim boʻlgan joyda, odamlarning yoʻli ustida. Bolalar, oyoq ostida oʻralashmanglar!;Falokat oyoq ostida. — MaqolBu zamonda haqiqat oyoq ostida qolib ketmaydi. — S. Ahmad, Hukm
  • Oyoq ustida Tikka turgan holda. Mana, oʻrtoqlar, oyoq ustida, ish boshida umumiy yigʻilish ham oʻtkazib oldik. — Sh. Rashidov, Boʻrondan kuchli
  • Oyoqda (yoki oyoq ustida, oyoq uzra) turmoq 1. Tik(ka) turmoq. Oyoqda turgan holda yana bir oz gaplashib, soʻng Eshvoy joʻnab qoldi. — Oybek, Tanlangan asarlarOtabek holsizlanib, oyoq uzra turar. — A. Qodiriy, Oʻtgan kunlarU yoʻldan charchab kelganidan, oyoq ustida zoʻrgʻa turar edi. — A. Qahhor, Qoʻshchinor chiroqlari
  • Oyoqdan yiqitmoq (yoki yiqmoq) 1. Agʻanatmoq, yiqitmoq; Bu yolgʻiz Boʻtani beobroʻ qilish uchun emas, kolxozni oyoqdan yiqitish uchun qilingan igʻvo. — S. Ahmad, Hukm
  • Oyoqdan qolmoq Yurolmaydigan boʻlib qolmoq, bir joyda oʻtirib qolmoq (qarilik, xastalik, bedarmonlik sababli). — Boshimga bir mushkul tushdi, — deb gap boshladi Bozor, — bugun ukam birdan kasal boʻlib, ham tildan, ham oyoqdan qoldi. — S. Ayniy, Doxunda
  • Oyoqqa bosmoq 1. Yura boshlamoq (yosh bola yoki bemor haqida); Kolxozimiz sal oyoqqa bosgandan keyin, oʻzim borib, sizni olib kelaman. — A. Qahhor, Qoʻshchinor chiroqlari
  • Oyoqqa bostirmoq Toʻgʻonni qurib, kolxozimizni oyoqqa bostirib olaylik, uylaringga radio tushirib beramiz. — S. Ahmad, Hukm
  • Oyoqqa turmoq 1. Oʻrnidan turmoq. Devonbegi mehmonxonaga kirganda butun mehmonxonadagilar oyoqqa turdilar. — S. Ayniy, QullarOʻsha kuni butun shahar oyoqqa turdi. — J. Sharipov, Xorazm— Yaxshiligingizni aslo unutmayman, — dedi vrachga bemor, — oyoqqa turib ketay, sizni xursand qilaman. — GazetadanQani endi oyoqqa turib ketsa-yu, butun umrini ana shu odamni asrab-avaylash uchun bagʻishlasa. — S. Zunnunova, Koʻk chiroqlarKolxozimiz qancha oyoqqa tursa, shu bizning dushmanga zarbamiz boʻladi. — S. Ahmad, Hukm
  • Oyoqqa turgʻizmoq (yoki qoʻymoq) Kolxozni kolxoz qilib, oyoqqa turgʻizguncha, eha, qancha qurbon bermadik! H. Nazir, Uzr, otaxon.Abdulla uka, butun xalqni qanday qilib oyoqqa turgʻizish mumkin? — Sh. Xolmirzayev, Qahramonning soʻngi kunlari
  • Oyoqda qoldirmoq Orqada qoldirmoq. Men bularga oʻrgatarmishman Meni oyoqda qoldirib ketishadi bu shumtakalar. — H. Nazir, Olmos
  • Bir oyogʻi toʻrda, bir oyogʻi goʻrda Juda qarib, munkillab qolgan. Otamning qilayotgan ishiga qarab, yoshini surishtirib: Toʻqsondan oshibsiz, bir oyogʻingiz toʻrda, bir oyogʻingiz goʻrda, tinib oʻtirmaysizmi, —debdi. — Shukrullo, Saylanma
  • Yengil (yoki suyuq) oyoq
  • Yolgʻiz oyoq yoʻl
  • Ikki oyogʻini bir etikka tiqmoq (yoki suqmoq) Aytganining darhol bajarilishini talab qilmoq, qistovga olmoq. Otam uylantiraman deb, ikki oyogʻini bir etikka suqib olgan, hol-jonimga qoʻymaydi. — S. Ahmad, Qadrdon dalalar
  • Oyoq olish 1. Yurish, qadam tashlash. Ummatali xotinining oyoq olishiga qarab yuradigan boʻlsa, otliq kelayotgan Akbarali undan oldin Azizxonni topadi, unga biror shikast yetkazadiganday boʻlib tuyuladi. — S. Ahmad, UfqUning oyoq olishi bejo.
  • Oyoq ostidan chiqmoq Toʻsatdan paydo boʻlib qolmoq. Dushman uchun kutilmagan bu falokat xuddi oyoq ostidan chiqqandek boʻldi. — N. Safarov, Jangchi ShokirOʻsha katta ish kecha oyoqning ostidan chiqib qoldi. — S. Ahmad, Ufq
  • Oyoq tiramoq Oʻz aytganida qattiq turib olmoq, boshqa gapga koʻnmaslik. Bolalarning boʻyi yetib, toʻy boshlaymiz deganda, qizi qurmagur birdan oyogʻini tirab oldi. — Oybek, Oltin vodiydan shabadalarU uylansam, Mahbubaga uylanaman, boʻlmasa, frontga ariza berib ketaman, deb ikki oyoq tirab turib oldi. — S. Ahmad, Ufq
  • Oyoq uzatmoq (yoki choʻzmoq) 1. Koʻngli tinchimoq, gʻam-tashvishdan xoli boʻlmoq. Oftob oyim hamon oyoq uzatmadi. — A. Qodiriy, Oʻtgan kunlar
  • Oyoq uzmoq Kelib-ketishni toʻxtatmoq, tamoman kelmaslik. Boʻri Paygʻamov, Nusratbekning bu yerdan oyogʻi uzilib, gaplar bosti-bosti boʻlguncha, panaroqda turdi. — S. Nurov, Maysalarni ayoz urmaydi
  • Oyoq uchi bilan (yoki uchida) koʻrsatmoq Choʻri qiz boshimizga chiqib, bizlarni oyoq uchi bilan koʻrsatadi. — Oybek, Tanlangan asarlarOdamni oyoq uchida koʻrsatib, kalaka qiladi. — H. Nazir, Oʻtlar tutashganda
  • Oyoq uchida Sekin, tovush chiqarmay. Sherali oyoq uchida kelib, devor tagida bir yonboshda uxlashgagina yetadigan joyga oʻtirdi. — S. Karomatov, Oltin qum
  • Oyoq chiqarmoq Soʻroqsiz har tarafga bora beradigan boʻlib qolmoq, tartibdan chiqa boshlamoq. Bizning xotin til chiqargan desam, oyoq ham chiqaripti. — A. Qahhor, Ogʻriq tishlar
  • Oyoq qoʻymoq Biror ishga kirishmoq. Uning roziligini olmasdan turib, bu ishga oyoq qoʻyish mumkin emas. — A. Qodiriy, Oʻtgan kunlar
  • Oyogʻi kuygan tovuqdek Bezovtalik bilan, zir yugurib, oʻzini har yoqqa urib. Odamlar oyogʻi kuygan tovuqdek pishillab yugurdilar. — Oydin, Oʻzidan koʻrsin
  • Oyogʻi olti, qoʻli yetti Shodlikdan oʻzini hech qayerga sigʻdirolmaydi, gʻoyat xursand. Zaynab oyogʻi olti, qoʻli yetti boʻlgani holda, erini toʻrt qavat koʻrpacha ustiga oʻtqazib, yoniga uchta par yostiqni qoʻydi. — A. Qodiriy, Oʻtgan kunlar
  • Oyogʻi osmonda Lashkarboshi usta boʻlsa, dushman oyogʻi osmonda. — Maqol
  • Oyogʻi osmondan boʻldi (yoki keldi) Chekinadigan joy yoʻq, orqada jahannam, bir qadam chekinsak, oyogʻimiz osmondan keladi. — Sh. Rashidov, Boʻrondan kuchli
  • Oyogʻi tortmaslik Borgisi kelmaslik.
  • Oyogʻiga bolta urmoq
  • Oyogʻiga bosh urmoq (yoki qoʻymoq) yoki oyogʻiga yiqilmoq Panoh tortib yoki najot izlab kelmoq; sajda qilmoq.
  • Oyogʻidan tortmoq
  • Oyogʻini osmondan keltirmoq
  • Oyogʻini qoʻlga olib Shartta oʻrnimdan turib, qalpoqchamni oldimda, oyogʻimni qoʻlga olib, uy tomon yugurdim. — Yoshlik
  • Osmonga chiqsang, oyogʻingdan tortaman, yerga kirsang — qulogʻingdan Mendan qochib qutulolmaysan, qayerga qochsang ham, bari bir, tutib olaman. [Solihboy:] Mening oltinlarim shunday ziyrak josus shunday ulugʻ hokimki, yerga kirsang — qulogʻingdan, osmonga chiqsang, oyogʻingdan tortib, mening qoʻynimga olmaday qilib solib qoʻyadi! — Hamza, Boy ila xizmatchi
  • Ogʻir oyoq Homilador.
  • Sovuq oyoq Keng sohilingda kezdi shum oyoq, Sindirdi nechaning boshida tayoq. — Gʻayratiy
  • Yuziga oyoq qoʻymoq (yoki tiramoq) Kimsaning xohishiga qarshi, uning hurmati bilan hisoblashmay ish qilmoq. Turgʻun akam bilan raisning yuzlariga qanday qilib oyoq qoʻya olaman. — N. Safarov, Hayot maktabiSen yuzingga oyoq tirab ketgan oʻsha beti qattiq xotiningnikiga bordingmi? — S. Ahmad, Ufq
  • Uz oyogʻi bilan Oʻz xohishi, ixtiyori bilan, oʻzicha. Dard arigisi kelsa, tabib oʻz oyogʻi bilan keladi. — Maqol
  • Oʻz oyogʻidan yitmoq Oʻz ixtiyori, xohishi bilan yoʻqolmoq, yoʻq boʻlib ketmoq.
Toʻliq maqola →
OYRA=

oʻzbekchayoʻllamoq, bormoq, qasd qilmoqruschaнаправляться, собираться, намереваетсяinglizchasend forward

Yayï at kemišsä seŋä oyrasa Dushman ot surib, seni taʼqib qilsa – Если враг двинет лошадей и пойдет на тебя – If the enemy moves the horses and will go at you

Toʻliq maqola →
OYUL

oʻzbekchaoʻgʻil, farzandruschaсын, ребенок, мальчикinglizchason, child

Ata ornï atï oyulqa qalïr Otaning oʻrni va nomi oʻgʻilga qoladi – Место и имя отца остаются сыну – Place and name of the father remain son

Toʻliq maqola →
oʻychi
Izohli lugʻat · yana 1 ta lugʻatda

ot Oʻyga, xayolga koʻp beriladigan yoki koʻp oʻylaydigan kishi.

Oʻychining oʻyi bitguncha, tavakkalchining ishi bitadi. — Maqol

Toʻliq maqola →