Поиск

fl. Ogʻritmoq feʼlining birgalik nisbati.

fl. 1. Kasal boʻlmoq, biror kasallikka yoʻliqmoq, dardga chalinmoq.

Ishlamay yegan, ogʻrimay oʻlar. — Maqol

Buyuk alloma Abu Ali ibn Sino miya, qontomir, oʻpka kasalliklari bilan ogʻrigan kishilarni davolashda yongʻoq magʻzidan samarali foydalangan. — Fan va turmush

Birdan Zebi xola ogʻrib qoldi-yu, oʻsha yotgancha oʻrnidan turmadi. — H. Nazir, Soʻnmas chaqmoqlar

2. Kasallanib, shikastlanib, jarohatlanib yoki charchab ogʻriq bermoq, ogʻriqqa kirmoq.

Oyogʻim ogʻriyapti. Pichoqni avval oʻzingga ur, ogʻrimasa, birovga ur! — Maqol

Uning tani zirqirab ogʻrir, ayniqsa, beli shunday ogʻrirdiki, aslo chidab boʻlmasdi. — S. Ahmad, Ufq

Butun badanim zirqirab ogʻriydi, endi juda kuchaydi ogʻriq. — Oybek, Tanlangan asarlar

3. Kasallanib yoki qurt yeb toʻkilmoq (hoʻl mevalar haqida).

Ogʻrigan olma.

ot Oʻgʻirlovchi, oʻgʻrilik bilan shugʻullanuvchi shaxs.

Oʻgʻrini qaroqchi urdi. — Maqol

Bir kecha qoʻraga ikkita oʻgʻri tushib, qorovulning oyoq-qoʻlini bogʻlab, ogʻziga toʻppi tiqib, uchta sigir, ikkita ot, toʻrtta qoʻyni haydab ketdi. — A.Qahhor, Qoʻshchinor chiroqlari

Oʻgʻrilarni oʻldirganda, Otabekning yonida necha kishisi boʻlgan? — A.Qodiriy, Oʻtgan kunlar

ot 1. Kasallanish, shikastlanish, jarohat yoki charchash natijasida seziladigan jismoniy azob, dard.

Oyogʻining ogʻrigʻi bosildi. Yaram yana ogʻriqqa kirdi.

Bir ozdan keyin Malik muallimning biqinidagi ogʻriq xiyol bosildi. — A. Koʻchimov, Halqa

U oʻz azobiga, kuyuk ogʻrigʻiga chidab, bardosh qilib, oʻziga-oʻzi dalda berardi. — N. Safarov, Vodillik qahramon

2. Kasallik, xastalik, dard.

Bel ogʻrigʻi. Koʻz ogʻrigʻi. Oyoq ogʻrigʻi. Ogʻriqqa chalinmoq.

Ogʻriqning birinchi kuni Kumush hech kimga sezdirmay yurdi. — A. Qodiriy, Oʻtgan kunlar

3. Bemor, kasal, xasta.

Oʻlar ogʻriqning oʻlgani yaxshi, uydagilarning tingani yaxshi. — Maqol

Ogʻriqning tuzalgisi kelsa, emchi oʻz oyogʻi bilan kelar. — Maqol

Bu voqeaning uchinchi kuni Kumushbibi yillab yotuvchi ogʻriqlardek sargʻayib ozgan. — A. Qodiriy, Oʻtgan kunlar

Har ikkala ogʻriqning nomi bitta — muhabbat. — E. Samandar, Daryosini yoʻqotgan qirgʻoq

Biron joyda ishlash u yoqda tursin, koʻchaga chiqay degan oʻyning oʻzi uning uchun ogʻriq koʻz bilan oftobga qarashday yoqimsiz edi. — A. Qahhor, Sarob

4. koʻchma Ruhiy azob, dard, alam.

Elmurod Fotima bilan tenglashib olgach, bir entikdi-da, goʻyo qalbini jizillatib turgan ogʻriqni bittalab olib tashlayotganday gapirdi. — P. Tursun, Oʻqituvchi

Cholning qalbini allaqanday sovuq bir qoʻl ombur orasiga olib siqar, ogʻrigʻi yuziga urib borar edi. — M. Ismoiliy, Fargʻona tong otguncha

5. kam qoʻll. Tashvish, gʻam.

— Ajabo, makkajoʻxoridan boshqa ogʻrigʻim yoʻqmi,— dedi rais oʻziga-oʻzi. — Sh. Rashidov, Boʻrondan kuchli

Moʻminlar bir-birlarining ogʻrigʻiga sherik boʻlishi kerak. — Fan va turmush

6. koʻchma Illat, kamchilik. —

Bu ogʻriq yangigina tuzilgan kolxoz sharoitida yuqumli bir ofat. — A. Qodiriy, Kichik asarlar

ot 1. Oʻgʻri ishi, oʻgʻirlash.

Oʻgʻrilik qilmoq.

Oʻgʻrilik qilgan uchun qoʻl kesiladir va yo dorga osiladir. — A. Qodiriy, Oʻtgan kunlar

2. Oʻgʻirlash ishi bilan shugʻullanish.

[Haydar:] Bu oʻgʻrilikkina emas, qaroqchilik — kunduzlay xalqning koʻzi oldida yoʻlbosarlik. — S. Ayniy, Qullar

Oʻgʻrilikka oʻrgangan boʻlmang tagʻin, yaylovda yurib. — A. Muxtor, Chinor

sft. 1. Ogʻriq mavjud boʻlgan, jismoniy azob beruvchi.

Ogʻriqli yara.

2. Ruhiy ogʻriq beruvchi, dardli.

Bolaligimdan beri bir oilani kuzataman. Shu uyning ona boʻlgich ayoli men uchun ogʻriqli dunyodir. — Yoshlik

rvsh. Hech kimga sezdirmasdan, yashirincha.

Sherbek yoʻgʻon, ichi kovak tolni panalab toʻxtadi. Atrofga oʻgʻrincha nazar tashladi. — S. Anorboyev, Oqsoy

Murzin esa hamon oʻsha tepalik orqasidan oʻgʻrincha qarab turardi. — Shuhrat, Shinelli yillar

Mullavachcha chistonlarni oʻgʻrincha yozib olganiga Avazning gumoni qolmadi. — S. Siyoyev, Avaz

Chodir ichida boʻlayotgan gaplarni oʻgʻrincha tinglayotgan Majdiddin oʻzini chetga oladi. — F. Joʻrayev, Obid Jalilov

Umuman, Abulbaraka ichkilikni yomon kormas edi. To Parijga oʻqishga ketguncha otasining taʼqibida boʻlib, ichsa ham oʻgʻrigina ichib yurdi. — Shuhrat, Jannat qidirganlar

fl. 1. Norozilik yoki malol-lik bilan biror ishni bajarmoq.

Mamat qassob, qarshisida qimtinib turgan rangi siniq juvonga tikilib, ogʻrinibgina yarim kilodan oshiq dumbani taroziga tashladi. — N. Norqobilov, Toʻqnashuv

Shop moʻylovli kishi ogʻrinib oʻrnidan turdi. — Yoshlik

2. Oʻziga ogʻir olib ranjimoq, xafa boʻlmoq.

Oshno, garchi ogʻringan esa-da, ularni unutmadi, oʻzi bormasa ham, kasalxonaga xotini Muyassarni yuborib turdi. M. M. — Doʻst, Lolazor

Men bu gapga uncha ogʻrinmadim, erkak kishi baʼzan shunaqa yuragi torlik qiladi, deb qoʻya qoldim. A. — Qahhor, Xotinlar

sft. 1. Ogʻrimaydigan, ogʻriqdan holi.

2. Xasta boʻlmay.

fl. 1. Ogʻrimoq feʼlining orttirma nisbati.

Namgarlik aʼzoyi badanimni zirqiratib ogʻrityapti. Etik oyogʻimni ogʻritdi.

Yigʻlama, Tursunoy, yigʻlama. Yigʻi boshni ogʻritib, kishini lohas qiladi. — A. Qahhor, Maston

2. Xafa qilmoq, ranjitmoq, diliga ozor bermoq.

Koʻnglini ogʻritmoq.

Dildor shu yoshga kirib, birovning dilini ogʻritmagan. — S. Ahmad, Ufq

[Kumush Otabekka:] Shu yaqin oradagi uning [Zaynab] bilan boʻladigan masʼud daqiqalaringizda xudo yoʻliga vaʼda olingiz — meni ogʻritmasin, raqibam keldi, deb oʻylamasin. — A. Qodiriy, Oʻtgan kunlar

Uka, man uch-toʻrt kundan keyin Fargʻonaga joʻnayman. Lekin, san cholning koʻnglini zarracha ogʻritma, durustmi? — Oybek, Tanlangan asarlar

ot Oʻgʻrilar yashaydigan, toʻplanadigan, koʻp oralaydigan joy.

Axir, devorsiz hovli oʻgʻrixona boʻlib ketdi-yu. — Uygʻun

ot Oʻgʻrilar toʻdasining boshligʻi.

— Asl zoti oʻgʻri, oʻgʻriboshi degin, — deb ilova qildi Olaxoʻja. — P. Tursun, Oʻqituvchi

fl. Ogʻrinmoq feʼlining orttirma nisbati.

Saidiy allaqachon salom berishga qaror berdi, ammo soʻrashish kerakmi, yo boʻlmasa, soʻrashish ulugʻ kishini yoʻldan qoʻyib ogʻrintirish boʻladimi? A. — Qahhor, Sarob

fl. Ogʻritmoq feʼlining orttirma nisbati.

ot soʻk. Oʻgʻrining bolasi, oʻgʻri avlodi.

БК + билан русскийзаболеть ТПанглийскийto fall ill with smth.немецкийerkranken an D

Bizning oʻqituvchimiz gripp bilan (nima bilan?) ogʻrib qoldi.

Наш учитель заболел гриппом (чем?).

Our teacher fell ill with grippe (what ... with?).

Unser Lehrer ist an Grippe (woran?) erkrankt.

kam qoʻll. ayn. Oʻgʻrincha.

Baʼzi rasvo ovchilar oʻgʻrinchasiga ish tutmoqdalar. — Mushtum

русскийгнездо ворованглийскийnest of thieves

русскийлогово ворованглийскийhaunt of thieves

русскийгруппа ворованглийскийband of thieves