Hayot Foundation loyihasi
Loyiha haqida
Oʻz
Oʻz

Qidiruv

«nariroq» boʻyicha 8 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Turkcha

← Barcha natijalar

Lugʻat maqolalari

8 ta
nari
Izohli lugʻat · yana 5 ta lugʻatda

rvsh. 1. Soʻzlovchidan yoki soʻz borayotgan payt yo oʻrindan uzoq, olis.

Nari tur. Hechqisi yoʻq, bir kun nari, bir kun beri. Vokzaldan nari. Toshkentdan nari.

Anvarni oʻzlari turgan mahalladan bir guzar nari boʻlgan Solih maxdumning maktabiga berdi. — A. Qodiriy, Mehrobdan chayon

Qizlar endi nari yot, beri yot bilan bir-birlarini itarib, surib, koʻrpani toʻrt tomonga tortishib, janjallasha boshladilar. — A. Qodiriy, Mehrobdan chayon.

2. (ch. k. bilan) koʻm. vzf. Keyin; oʻtgach.

Maktabdan narimi, berimi?

  • Koʻzdan nari Odam yoki odamlar nazaridan yiroq; xoli, panada. Koʻzdan nari — koʻngildan nari. — Maqol
  • Nari borsa yoki narisi bilan Ortigʻi bilan, koʻpi bilan, juda boʻlsa. Narisi bilan, oʻn kunlik ish.U [xotin] istarasi issiqqina, nari borsa, yigirma besh yoshlarda edi. — A. Qahhor, Qoʻshchinor chiroqlari.
  • Nari olib borib, beri olib kelmoq Rosa qiynamoq, qiynab oʻlasi qilmoq. Ovqat hazm boʻlmay, meni nari olib borib, beri olib keldi.
  • Nari tursin U yoqsa tursin, tugul. Bizda miltiq nari tursin, bir kosov ham yoʻqligini oʻzingiz yaxshi bilasiz. — S. Ayniy, Qullar.
  • Undan nari(ga) Ajab boʻlibdi; hechqisi yoʻq. Kelsa kelar, kelmasa undan nari(ga).
  • Xayolidan (yoki koʻz oldidan) nari ketmaslik Unuta olmaslik, koʻz oldida doim namoyon boʻlmoq. Ostonada oʻsha qiz, shuncha kundan buyon uning xayolidan nari ketmay qolgan oʻsha qizning oʻzginasi turardi. — Oʻ. Hoshimov, Qalbingga quloq solUyda yolgʻiz oʻtirganida ham, ishda ham Gulxayrining nazokatli boqishlari, haroratli lablari koʻz oldidan nari ketmay, yuragiga oʻt tutashadi. — S. Nurov, Narvon
Toʻliq maqola →
narigi
Izohli lugʻat · yana 4 ta lugʻatda

rvsh. Soʻzlovchidan yoki soʻz borayotgan payt yo oʻrindan naridagi; uzoqdagi, olisdagi; boshqa.

Narigi uy. Narigi haftada boraman. Ariqning narigi tomoniga oʻtmoq.

Keyin chuqurning narigi betida, eski qop tagida yotgan bir qancha temir ponani olib chiqib koʻrsatdi Qudrat. — M. Ismoiliy, Fargʻona t. o

Ayvonning narigi yonidagi darcha orqali uyga kirilur edi. — A. Qodiriy, Oʻtgan kunlar

Toʻliq maqola →
nariyoq
Izohli lugʻat · yana 1 ta lugʻatda

ot ayn. Naryoq.

U [Ahmadjon] yarim xaroba uyning muyulishidan chiqib, katta koʻchaga qaragan edi, nariyoqdan yugurib kelayotgan yoshgina bir qizil askarni koʻrib qoldi. — A. Qahhor, Oltin yulduz

Toʻliq maqola →
nari-beri
Izohli lugʻat · yana 3 ta lugʻatda

1. U yoq-bu yoqqa, turli tomonga.

Narsalarni nari-beri surmoq.

Safarov tugagan papirosning choʻgʻidan ikkinchisini tutatib olib, nari-beri yurdi. — A. Qahhor, Qoʻshchinor chiroqlari

2. ayn. Naridan-beri.

— Uyga kelgach, elektr choynakda choy qoʻyib, nari-beri ovqatlandik-da, Qani, joʻra, hikoyangni boshla, dedim, — dedi Shokirjon. — Sh. Rizo, Qor yogʻdi, izlar bosildi

  • Nari-beri boʻlmoq Aytishib qolmoq, oradan gap oʻtib, teskarilashib qolmoq. Umarbek bilan bir oz nari-beri boʻlib qolgan edik, haytovur, tagʻin orani ochib yubordik. — A. Qodiriy, Oʻtgan kunlar
Toʻliq maqola →
narilamoq
Izohli lugʻat · yana 1 ta lugʻatda

fl. Nari ketmoq, uzoqlashmoq.

Hamma sekin bosh koʻtarib, u yoq-bu yoqqa qaradi. Darhaqiqat, chang-toʻzon ancha narilab, Karka tomonga ketardi. — Mirmuhsin, Meʼmor

Toʻliq maqola →
naridan-beri
Izohli lugʻat · yana 3 ta lugʻatda

1. Shosha-pisha; yengil-yelpi.

[Usta] Bir piyola choyni naridan-beri ichdi-da, oʻrnidan turdi. — O. Yoqubov, Larza

U [Sidiqjon] yuragi gʻash boʻldi-da, otxonadan otni olib chiqdi, naridan-beri egarladi-da onasining ketidan ot qoʻydi. — A. Qahhor, Qoʻshchinor chiroqlari

2. Chalakam-chatti, chala-chulpa, mendan ketguncha, egasiga yetguncha zaylida.

Har qanday masalani oʻzboshimchalik bilan naridan-beri hal qilishga tirishadigan Tojiboy bu safar biror kimsaning maslahatiga, qoʻllab-qoʻltiqlashiga muhtoj boʻldi. — P. Tursun, Oʻqituvchi

Toʻliq maqola →