«бўёқли» бўйича 9 та натижа
сфт. айн. Бўёқдор.
Бўёқли эшик. Бўёқли тасвир.
Мисралар узунлиги оригиналникидан ошмайди, сўзлар эса қисқа, бўртма ва бўёқли. — ЎТА
от 1. Бўяш, ранг бериш учун ишлатиладиган модда; нарсаларга суртилган шундай модда қатлами.
Акварел бўёқ. Мой бўёқ. Кўк бўёқ. Бўёғи кўчган идиш. Бўёқнинг яхшиси — бўзчининг бойлиги. — Мақол
Тўрт қадам юриб, сутранг бўёққа бўялган эшик олдига борди. — Ў. Ҳошимов, Нур борки, соя бор
Ҳозиргача ишлатилиб келинган органик бўёқлар ўрнига табиий бўёқлардан фойдаланиш мумкин. — Фан ва турмуш
Очиқ платформаларда зангор бўёқлари ярқираб танклар турарди. — И. Раҳим, Чин муҳаббат
2. кўчма Нутқни безовчи бадиий тасвир воситалари.
Гапга бўёқ бермоқ.
Бу шеърларда табиат ёрқин бўёқларда моҳирлик билан чизиб берилган. — Газетадан
Навоий йил фаслларининг жонли манзараларини яратади, уларни чизиш давомида алоҳида бўёқлар қидирарди. — Газетадан
3. Лаб бўёғи, помада.
Қиз қошларига оро беришни тугатиб, энди лабларига бўёқ суртаётган экан. — Х. Тўхтабоев, Ширин қовунлар мамлакати
от 1. Ип, ипак ва шу кабиларни бўёвчи, уларга ранг берувчи уста, рангворчи.
Бўёқ-чининг бўёқчилиги қўлидан маълум. — Мақол
Синглиси Ойжамол пластмасса сехида меҳнат қилади. Умр ёʻлдоши Садрия ҳам шу ерда бўёқчи. — Газетадан
2. Сиркор уста, уй сирловчи, бўёвчи мутахассис.
Саодатнинг назарида бу чўққиларни гўё бўёқчилар атайлаб пушти рангга бўяб қўйганга ўхшайди. — И. Раҳим, Ихлос
Бунда [институтда] қоровул-у ҳовлида ишлаётган бўёқчилардан бўлак ҳеч кимса ёʻқ эди. — Мирмуҳсин, Умид
сфт. 1. Бўёқ берилган, бўялган, бўёқлар билан безатилган; рангдор.
Ҳамма меҳмонхоналарнинг ойнавон нақшли, бўёқдор эшиклари, деразалари бекик. — Ойбек, Танланган асарлар
2. кўчма Бадиий тасвир воситаларига бой; жозибадор.
Бўёқдор тасвир.
Асқад Мухторнинг Пўлат қуювчи поемасининг тили ҳам етарли равон, бўёқдор эмас. — Ўзбек адабиёти тарихи
сфт. Ачиниш уйғотувчи ҳолатли, бечора, шўрлик.
— Отанг боёқиш чарчаб, бўлганича бўлди, — деди она. — П. Турсун, Ўқитувчи
Боёқиш кўп яхши одам эди; инсофли, ҳамиятли эди. — Ойбек, Танланган асарлар
Боламга кўз тегдими, билмайман. Болам боёқиш нотинчроқ бўлиб қолди. — Мирмуҳсин, Умид
от Бўёқчи усталар ишлайдиган ёки бўяш учун лозим бўёқлар, бошқа хил нарсалар сақланадиган махсус хона; дўкон.
от Бўёқ ва шунга ўхшаш пардоз ашёлари.
бўёқ-сўёқ, майда-чуйда резавор сотиб шаҳарма-шаҳар кезиб — Тоҳир ва Зуҳра
от 1. Бўёқчи касби; бўёқ ишлари билан шуғулланишлик.
Бўёқчилик унга ота касб. Бўёқчилик ишлари. Бўёқчининг бўёқчилиги қўлидан маълум. — Мақол
Биз бўёқчилик ва дурадгорлик ишларини бажармоқдамиз. — Газетадан
2. тар. Бўёқчилар дўкони жойлашган раста ёки бўёқчилар ўрнашган маҳалла.
Бўёқчилик маҳалласи. Бўёқчилик растаси.
