Қидирув

фл. Бақирмоқ феълининг биргалик нисбати.

Ҳар ёқдан эркаклар бақиришди, хотинлар қарғашди. — Ойбек, Танланган асарлар

Бир-бирига қарамайди, Сира ҳолин сўрамайди, Қочаётир бақиришиб, Бир-бирини чақиришиб. — Ширин билан Шакар

Сел қутургандан қутуради, болалар бақиришади. — С. Аҳмад, Уфқ

фл. 1. Бор овоз билан қичқирмоқ, шовқин солмоқ.

Катта дарё ҳайқирмас, ақлли киши бақирмас. — Қанотли сўзлар

Олахўжа товушининг борича бақиради: — А!? Тарғил ҳўкиз ўлиб қолди? Нима?Нега ўлар экан? — П. Турсун, Ўқитувчи

Бектемир кўкрагига сиғмаган ҳаяжон ва меҳрни ифодалагандек, ғайришуурий равишда бақириб юборди. — Ойбек, Қуёш қораймас

2. Оғриқсан ёки қўрқувдан дод солмоқ, дод-фарёд кўтармоқ.

[Салимбойвачча] Ҳар он, ҳар лаҳза фалокатни кутди. Гўё Гулнор ҳозир ошни ичади-да, дарров бақиради. — Ойбек, Танланган асарлар

Лали бехосдан: Дод, ўламан, деб бақириб юборди. — Ҳ. Ғулом, Машъал

Войдод! деб бақирмоқчи бўламан, овозим чиқмайди. — Ҳ. Назир, Ёнар дарё

3. Овози борича бақириб дағдаға қилмоқ, дўқ урмоқ, пўписа қилмоқ. —

Бақирманг, — деди хўмрайиб Ёʻлчи, — шу вақтга давр эшитдим, чидадим, энди-чи? Ёʻқ! — Ойбек, Танланган асарлар

[Мўлтон Муталга:] Бақиргингиз келса, хотинингизга бақиринг! — О. Ёқубов, Ларза

Унинг бировга бақирганини, стол муштлаганини Зумрад кўрган эмас. — С. Сиёев, Отлиқ аёл

4. кўчма Чиранмоқ, гердаймоқ.

Бор — бақирар, ёʻқ — чақирар. — Мақол

от 1. Қўрқинч, даҳшат ёки оғриқдан қилинадиган дод-фарёд, қичқириқ.

Ваҳимали бақириқ кўпга чўзилмади, яна жимлик чўкди. — С. Юнусов, Кутилмаган хазина

Тўқайда олов ловуллаб ёнаётган қамишзор томонидан бақириқ кўтарилиб қолди. — Ўзбекистон қўриқлари

2. Хурсандчилик, хушчақчақликни ифодаловчи баланд овоз, қийқириқ, ҳайқириқ.

Тўйхонадан йигитларнинг бақириғи эшитилиб турар эди. Уларнинг [ёшларнинг] бақириқ, чақириқ, қаҳқаҳалари узоқ-узоқларда акс-садо берди. — Шарқ юлдузи

3. Бор овоз билан қилинган дағдаға, пўписа, дўқ.

Кишандагилар занжирларини шилдиратишар, зиндонбонларнинг бақириғи уларни ўйлатиб қўйди. — Мирмуҳсин, Тунги чақмоқлар

[У [Тоиров] сиқиқ остига олиш, дўқ-пўписа, бақириқ билан ишни ташкил этиш мумкин, деб ўйлайди. — Газетадан

Илгарироқ бу ақл-у фаросат қайда эди, аччиғ-у тиззиқ, бақириқлар, ўқилмаган никоҳга талоқ айтишлар. — М. М. Дўст, Лолазор

сфт. 1. Бақириб, шанғиллаб гапиришга одатланган; шанғи.

Бақироқ чол. Бақироқ туя — норинг, Бақироқ ота — ма-доринг. — Мақол

Хўжайин — бақироқ одам. — Ойбек, Танланган асарлар

Ўзи қўрқоқ бўлса ҳам, ўлгудек бақироқ, ваҳима. — А. Мухтор, Чинор

2. Ҳадеб овоз чиқараверувчи, нотинч (ҳайвонларга нисбатан).

Бақироқ сигир сут-сиз бўлар. — Мақол

Ёлғиз бола йиғлоқ бўлар, Ёлғиз туя бақироқ бўлар. Мақол.

Бақироқ эчкидай мунча шанғиллайсан. — Ж. Абдуллахонов, Хонадон

3. кўчма Шовқин-суронли; гулдуросли.

Офтоб акси тушиб нақшларга бўғилади бақироқ бозор. — Х. Даврон, Болаликнинг овози

Бақироқ булутлар қандай яхши! Шариллатиб ёмғир ёғиб юборди. — Мирмуҳсин, Умид

фл. Бақир-буқур овоз чиқариб қаттиқ қайнамоқ.

[Ҳамробиби] Дастурхон ёзди, бақирлаб қайнаётган самоварни келтириб, қопқоқлаб қўйди. — Р. Файзий, Эл меҳри

Катта бакда бақирлаб сув қайнамоқда. Ҳайдарбой хилма-хил чойнакларга жуда чаққонлик билан чой дамлаб, ичкарига ташиб турибди. — П. Турсун, Ўқитувчи

н noisiness, boiterousness

• ~ қайнамоқ boil, seethe

paqırlap qaynaw, qattı qaynaw

фл. Бақирламоқ феълининг орттирма нисбати.

фл. Бақирмоқ феълининг орттирма нисбати.

от Кўп кишиларнинг, кўпчиликнинг баланд ва бетартиб овози.

Маҳалла кўчалари ҳеч қачон бунчалар гавжум бўлмаган эди: бақир-чақир овозлар, арраларнинг чийиллаши, болғаларнинг тақиллаши эшитиларди. — Саодат

ташқарида чироқлар ёнган, ёʻлакда тапир-тупур қадам товушлари, бақир-чақир, кулги — Х. Султонов, Онамнинг юрти

ЖК: русчанакричать на ВПинглизчаto shout at smb.немисчаanfahren A

Бола ўзининг кичкина укасини (кимни?) бақириб қойиди.

Мальчик накричал на своего маленького брата (на кого?).

The boy shouted at his little brother (whom ... at?).

Der Junge fuhr seinen kleinen Bruder (wen?) an.

от Кўпчиликнинг қўрқинч, даҳшатдан ёки бирор таъсирли воқеа муносабати билан чиқарадиган қаттиқ бетартиб овози; шовқин-сурон.

Шу вақт отишмалар яна кучайди. Ҳамма ёқни шовқин-сурон, бақириқ-чақириқ босиб кетди. — И. Раҳим, Чин муҳаббат

Ичкаридан отишма, шовқин-сурон, бақириқ-чақириқлар эшитилиб турарди. — Ёшлик

Ҳадемай кеч кириб, қишлоқни подадан қайтган молларнинг тараши, одамларнинг бақириқ-чақириғи тутиб кетди. — Ёшлик

погов. (букв. хорошо, что есть крикливый верблюд, еще лучше, что он покрикивает) где старший ( в семье, коллективе) приглядывает, там порядок, ≈ на то и щука в море, чтобы карась не дремал.