ot 1. Shohlarning hukmronlik ramzi boʻlgan, qimmatbaho toshlar qadalgan ziynatli bosh kiyimi.
Shohlarning boshida tilladan toji, Necha shaharlardan oladi boji. — Folklor
[Mirzo Yodgor} Jurjonni qoʻlga olib, poytaxt Hirotni bosish, toj kiyish umidi bilan urinadi. — Oybek, Navoiy
2. ayn. Gultoj.
3. Baʼzi qushlarning boshidagi etdor oʻsimta.
Xoʻrozning toji.
Kelin darhaqiqat yosh, lekin xuddi qiziqchilikka semirganday yum-yumaloq; egnida yengsiz qizil koʻylak, boshida popishakning tojiga oʻxshagan, lekin qizil shlyapa. — A. Qahhor, Toʻyda aza
katta terakka ikkita qush kelib qoʻndi. Narining boshida toji bor. — S. Nurov, Narvon
4. koʻchma Biror narsaning yuqori, yetuk qismi, uning ifodachisi.
Inson barcha maxluqotning tojidir. — Oybek, Navoiy
— Chidash kerak. Sabr — inson irodasining toji, — dedi Joʻraxon. — Nazarmat, Joʻrlar baland sayraydi
Agar mazkur sheʼr bamisli bir qush boʻlsa, bu bayt uning toji-ku — S. Siyoyev, Avaz
5. koʻchma Biror musobaqada gʻoliblik unvoni va shu gʻoliblik uchun kiydiriladigan kiyim.
Qurʼaga koʻra, birinchi partiyada oq donalarni toj talabgori suradi. — Gazetadan
6. astr. Quyosh atrofidagi, kun tutilish paytlarida yaxshi koʻrinadigan yorugʻ gardish.
Quyosh atmosferasining uchinchi, eng qalin va eng siyrak qatlami Quyosh toji deyiladi. — Astronomiya
7. tex. Gupchakka yoki boshqa asosga oʻrnatiladigan gardishsimon qism.
Shesternya toji. Toj shesternya.
- Sohibi toj Toj egasi, taxt egasi, tojdor, hokimi mutlaq. Toji davlat Davlat tojining sohibi, hokimi. Alisher va toji davlat boʻlmish Husayn Boyqaro hazratlari goʻdaklikda doʻst va hammaktab ekanlar. — Oybek, Navoiy
- Toj-u taxt yoki taxt-u toj Hukmronlik ramzi; hokimiyat, davlat. Bu olishuv, toj-u taxt talashuvlaridan faqat fuqaro azob chekadi. — Mirmuhsin, MeʼmorBu oʻt uchqunlari yaqinlarda birdan alangalanib yuzaga chiqadi, amirning taxt-u tojini, uning homiylari bilan birga kuydirib kul qiladi. — S. Ayniy, Doxunda